شيبت راس المصيبة | الشيخ حسين الأكرف | ليلة 12 محرم 1442
[ شيبت راس المصيبة ]
ليلة 12 محرم 1442
الحسينية البحرانية - قم المقدسة
الشيخ حسين الأكرف
كلمات: علي الخفاجي
مكساج: حسن مرهون
__________________
http://husseinalakraf.com/
__________________
تابعونا عبر وسائل التواصل:
الانستغرام: https://www.instagram.com/alakraf_ofc/
الفيس بوك: https://www.facebook.com/alakraf.ofc/
الساوند كلاود: https://soundcloud.com/alakraf_ofc
تويتر: https://twitter.com/alakraf_ofc
__________________
زينب العاشت غريبه شيبت راس المصيبه
شصار مـا صار بضعنها يـا زمن
ويـا چفوف عله الشريعه تگطعـن
*****
عالمه وغـيرتها زينب تمشي وي أضعونها
چـتـفـت حـبـل آل أمـيــه گـبل لـيـچـتـفونها
الـسوط مــالاح العـبايــه ولاوصل لمتونها
والهـوه يحــرس خيمها ومــا قـبل يسبونها
لاتظن زينب أسـيره عاشت ومـاتت أميره
گطعت دروب السبي بأشرف ضعـن
ويـا چـفــوف عـلـه الشريعه تگطعن
*****
الشمس تزعل وي زعلها وتمشي وي ممشاها
حـتى گـــاع الـله الـوسـيـعــه تبچي دم ويــاها
فوگ ظهر النوگ صعــدت والارض جـواها
جــنـح جــبرائيل هــودج والنجـــم يـــرعاها
منتصرضعن الغياره يوصل القصر الاماره
ذكريات شكثر عـدها بهل وطن
وياچفوف عله الشريعه تگطعن
*****
زينب بتـربة الغـيــره ودعــت انــوارها
وفــــوگ تــل الزينبيه ملحمة افـــكارها
وعله شاطي الصبر تلگه فلسفة إيـثارها
كربله وليلة العاشر حـوت كـل أفكارها
قصة أچـفـوف ومناحر
عاشت ومـاتت ضماير
تدري گاع الطف مثل جنة عدن
ويا چفوف عله الشريعه تگطعن
*****
موت ياشاطي المصيبه يالخذت عباسها
هاي أم الخدر زينب والشرف نوماسها
لاتظن مــايك تضوگه ولاتدنگ راسها
واللـه يالعطشت زينب ماتموت أنفاسها
مـاتت أجروفك ذليله
وضلت الحره العقيله
چفـوف ابوفاضل منايـر خضرن
ويا چفوف عله الشريعه تگطعن
*****
مــا أصدگ بالغريبه مـن العـذب محـرومه
العدها مثـل الگـمر تبقى مدللـه ومحـشومه
ذبـحـت الماي بعطشها بت علي المظلومه
وبشموخ النصر زينب مرت عله الحومه
شــافت البيهم حميه سكنوا أرض الغاضريه
عله الرماح الروس وي زينب مشن
ويــا چـفـوف عله الشريعه تگطعن
*****
تمشي وي راس الـكـفـلها وبالحبل مچـتوفه
عله الرمح وشتعل غـيره من وصل للكوفه
أبــد ما فارگ خـدرهــا ومثل ضلها تشوفه
وتنظــر بمقبض الــرايه مطـبعـات أچفوفه
ضلت الــيـــوم الـقـيامه چفوف ابوفاضل علامه
تــرســن الــدنيه عطاء وماگضن
ويا چفوف عله الشريعه تگطعن
#الشيخ_حسين_الأكرف
