أموت بكربلاء | الشيخ حسين الأكرف
[ أموت بكربلاء ]
الشيخ حسين الأكرف
كلمات: وليد العكيلي
يوم 20 صفر 1443
حسينية سيد الشهداء - كربلاء المقدسة
الهندسة الصوتية: حسن مرهون
__________________
الموقع الرسمي
http://husseinalakraf.com/
للإستماع على المنصات الصوتية على الرابط التالي:
http://l.bayat.me/iwhaUB2U
__________________
تابعونا عبر وسائل التواصل:
الانستغرام: https://www.instagram.com/alakraf_ofc/
الفيس بوك: https://www.facebook.com/alakraf.ofc/
الساوند كلاود: https://soundcloud.com/alakraf_ofc
تويتر: https://twitter.com/alakraf_ofc
__________________
چانت امنيتي اندفن بالغاضريه
وينه ملك الموت شو طوّل عليّه
روحي كاتلها الحياء… كون اموت ابكربلاء
++++
امنياتي…كون اموتن وي اخوتي بليله وحده
مستحاتي… هاجت وجرح السبي بيمن اضمده
ذكرياتي… كلها مليانه جفه وحزني تبدّه
وابحياتي…ما شفت راحه وعشت شدّه اعله شدّه
آني ظلّيت الوريثه بعد الاخوان
طلع ورثي امن الزچيّه بيت الاحزان
چانوا اخواني وطن واني الاميره
راحوا وخلّوني بالدنيا اسيره
اصرخ ابهذا النداء… كون اموت ابكربلاء
---------------------
فارگتهم .. والزمن ينظر على جروحي ابصلافه
من عگبهم…تالي عمري امشي سبيه ياحسافه
عاتبتهم… طاهره ودرب السبي حگي امن اخافه
ماعفتهم ... يمته گلب الفاگد اتلزمه المسافه
ليلي ياخذني وأروح وگلبي مكسور
أفرش أشواگي وانام أبّين الگبور
يبدي گلبي يسولف همومي ابنحيبه
وسفه مادفنتني بالطف المصيبه
تشهد ابحزني السماء....كون اموت ابكربلاء
-----------------------
آ يحزني …. خدري اعزل والهضم شاهر حسامه
ظهري محني … والمسافه بعيده وامحمله يتامه
والهضمني… عگب ابو الغيره الشمر بيده الزعامه
من شتمني…گمت اصيحن يالگمر تسمع كلامه
آ يجرح السبي اشطوله وينزف ايتام
صارت ابثگل الحزن خطوات الاجدام
امشي بالصحره وحرت حتى بصلاتي
خاف أگومن والهوه ايحرّك عباتي
وآني بت خير النساء… كون اموت ابكربلاء
------------------------
ماكو خيمه… .واليتامه امنومه بفياي العبايه
ولاكو غيمه... اتطفّي نيران الشمس عن السبايه
كلها هيمه… وين اروحن والاهل كلهم ضحايه
ياهضيمه… طشّرت لمّتنه بالطف المنايه
روحي ميته امن الهظم واتنفس آهات
بيمن يفيد الهوه لو مر عالأموات
والله حيره وهالعذاب اشلون اجرعه
خافن اتشوف الشماته ابعيني دمعه
وآني كلّي كبرياء… كون اموت ابكربلاء
------------------------
من وصلنه… دخّلونه المجلس الطاغي ابشماته
باوع النه… وظل يطگ ابراس ابو اليمّه ابعصاته
وانسألنه…. ليش اخوچن مايجي ايحامي الخواته
وين اهلنه… متنه من كثر العذاب الشايلاته
وحده لاذت خلف الاخرى عن الانظار
والسياط اتگطعت بمتون الازغار
كلها غربه وماكو واحد اشتكيله
فشله بت حامي الدخيل اصبح دخيله
فصّلت حزني رداء… كون اموت ابكربلاء
#الشيخ_حسين_الأكرف
