ماعدنة غيرك | مسلم الوائلي | هيئة وحسينية باب الزهراء | محرم الحرام1441
ماعدنة غيرك | ليلة 6 - شهر محرم الحرام1441هـ
كلمات:حسن الترابي
اداء:مسلم الوائلي
مكساج:كرار الموالي
مونتاج:علي الشايع
تنفيذ |شركة الضامن
هيئة وحسينية باب الزهراء | العراق_البصرة_المدينة
#مجمردليلي الجزء الثاني
يحسين يارب الشوگ. ماعدنه غيرك معشوگ ياسر عشكنه
ــــــــــــــــــــــــــــــــــــــــــــــــ
يابو الضوه الوضه الگمر من حسنك الجنه انبنت
يالدرات اعله اعيونك اسنين العمر وتسامرت
كل عاشگ بحبك كبر روحه ع جفك خضرت
يالتارس اعيونك السمه جم نجمه بعيونك طفت
بمسامرك ذاب اليل نام ع جتفك جبريل
يالعطرك محلي الهيل ياسر عشكنه
ــــــــــــــــــــــــــــــــــــــــــــــــ
يحسين الك هاي الزلم نذرت مناحر للذبح
شار الله بيهم للنصر من عدهم ويبدي الفتح
باجر اذا شاء القدر واتبدة ع الكاع الصبح
مايگرب لطولك احد الة احنه روس ع الرمح
ماكو اغله من عندك شي بس كون سالم تمشي
يحسين يرخص كلشي ياسر عشكنه
ــــــــــــــــــــــــــــــــــــــــــــــــ
باجر نشد حيدر حرز بالحومه كدامك نهد
باجر نطيح بكربله لسندانة اجفوفك ورد
وكل مابرد حيل الزلم لجفوف ابو فاظل ترد
وتشعل بصابيع الگمر فوگ الشمس شعلة مجد
نتوضه من جف عباس حيل وفراسه ونوماس
يحسين ياتاج الراس ياسر عشكنه
ــــــــــــــــــــــــــــــــــــــــــــــــ
كل ماخلينه بغربتك نتلاكه بعيونك غزل
يالمنك اشموس الضحه تغار ويلم ضيها الفشل
من اخر وحي بعين النبي حزن الله بضنونك نزل
بحل مني روحو لو كلت ياخذنه يحسين الزعل
المثلك ابد ماينعاف والشاف بعيونك شاف
حسن الله وطيور الصاف. ياسر عشكنه
ــــــــــــــــــــــــــــــــــــــــــــــــ
من دم مناحرنه نخط بسمك يبن حيدر عهد
بس انت بعيون العشگ ماعدنه وي غيرك وعد
(بس انته يحسين وجذب يشمخ نخل ع الگاع ابد)
(من عينك لحد عينك ومامش ورة اعيونك بعد)
راسك بالرماح يبات يسكي بضواه النجمات
بس انت بعيون العشك. والباقي غربه ع الصدك
رابط تلكرام
https://t.me/muslimalwaeli
الصفحة الرسمية لفيسبوك
https://www.facebook.com/muslimalwaeli313/
الحساب الرسمي في الانستكرام
https://www.instagram.com/msulim_alwaeli/
جميع الحقوق محفوظة . لا يحق لي أي أحد رفع المقطع .
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
