رسالة | الشيخ حسين الأكرف

| رسالة | الرادود: #الشيخ_حسين_الأكرف كلمات: الشاعر #عباس_فرحان الليلة الثانية من شهر محرم الحرام ١٤٤٧هـ كلمات القصيدة: يالرايح إلدار الأبو عندي رساله قِلّه ترى اشتاقيت إله وأطلُب وِصاله سلام سلام يالقلبي طَمّنته حرام حرام ينسى الأبو بنته رساله *** كلمة 'اشتاقيت' بِيها حِنيّه الله يعلَم كل قلَم ما يكِتب النَبره نُدبة إحساسي 'بويه يا بويه' إلعُمري عِطره، عمري راح امن اختفى عِطره اكتِب احروف الألَم والدمِع حبر القلَم بويه رايح قلبي طايِح بِيهْ سهَم هظَمني صاحِب الوَجْه الحسَن والأمان ابهالزمَن مِن تركني هَد لي ركني والهجُر حرمني نبضي خطوه طويله طويله شاليداوي عليله عليله؟ يالرايح اِسأل والِدي والحِيره حِيره لو مو أبوها بيمن اتلوذ الصغيره؟ ضرام ضرام وإليطفي ناري انته حرام حرام ينسى الأبو بنته رساله *** إلعاشَ ايطمّنني بأجمل إطلاله راح وما رَد وآنه يا ما 'لحظه' ناديته حتّى لو ترجع، ميّت اتقلّي أدعي ربّي ايموت موته بس يرِد بيته إلـ آنستنى اعمامته وچنت أذوب ابخُطبته لا تقلّي ما يرِد لي وأفرح ابمَجيّه أنتظُر يروي العطَش مو عِمامه ابلا نعَش لو هجرني وما حضرني أنحسِب سبيّه بويه فقده هظيمه هظيمه من رحيله يتيمه يتيمه تشبه رُقيّه ونّتي حضنك أريده ليّه اشيجيبك؟ كربلا عنّي بعيده هيام هيام والحاطُر أحزنته حرام حرام ينسى الأبو بنته رساله *** طاحت الخيمه، وقالوا استشهَد وشوقي بعده اينادي 'لحظه' يمكن ايجيني والله مِن قالوا، صَوّبوا درعه صِرْت أحِسها اعلى الشريعه ايساري وايميني الأمين اعلى القلُب والحَنين إلكلّه حُب ما أصدِّق نبضتي اتدِق وما يرِد جوابي والدِرع آ يالدِرع عالنهَر بدره يشِع هالرساله عن وصاله يعني حَل غيابي اشقد نطرته ونطرته ونطرته بويه قلبي كسرته كسرته أرفع سلامي لو بدا وجهك يغالي منصَب على أيّامي الأسى وصارت ليالي كلام كلام بإحساسي دوّنته حرام حرام ينسى الأبو بنته رساله #موكب_السيدة_زينب #لبنان #محرم #عاشوراء