115. انسان روحہ معاد گورا چہتریں رابطہ؟ (1) - استاد: سجاد علی مطهری
تمام اسلامی فرقہ ہوے اعتقاد ایر کھنغو تہ انسانہ روح ہمیشہ زندہ رہی ائیں کھنہ نی صورت چہ روح آر موت نکھائی ہوے روح ہی استہ جیکو معاد گورا انسان رابطہ قائم کھنغہ پچھے کہ جڈہنیں انسان مری روی تہ قبر چہ ہوے روح دوبارہ انسانہ جسم گور کھائی ملی ائیں مورد سوال ائیں جواب واقع بی روح اثبات چہ دلائل ذکر: مہڑی دلیل عقلی دلیل استہ جیکو ثابت کھغہ تہ انسان بغیر روحہ کا شئ نیں پچھے جیسی تائیں انسان بدن چہ روح استہ ہنوا تمام کیفیات آر درک کھنغو سگغہ روح گورائی انسان احساس خوشی کھغہ احسان غمی ار درک کھنغو سگغہ ما وزہی زندگی چہ ہوے تجربہ کھنغو تہ یکھ انسانہ شہ جڈہنیں روح جدا بیغہ تہ ہنوا میت گوش جیغہ یعنی ہر قسمہ کیفیت شہ اری انسان ائیں ہشیہ مثال دنیا چہ موجود دونہی اجسام استو جیکو کنہ بی قسمہ درک نہ ایر کھنغو مثلا ڈرشک آر ما برغو تہ ہنوا احساس درد نکھنغہ
