يمته ترجع | الرادود عمار الكناني | هيئة عاشوراء

قصيدة: يمته ترجع
أداء: الملا عمار الكناني
كلمات: احمد اللامي
مونتاج وتنفيذ: حارث العكيلي

هيئة عاشوراء
العراق - بغداد

للتواصل مع الحسابات الرسمية لهيئة عاشوراء :
Facebook : https://www.facebook.com/هيئة-....عاشوراء-231478177032

Twitter : https://twitter.com/ashoura2012

Youtube : https://www.youtube.com/channe....l/UCcceLyrRzm5mVuwrz

Telegram : https://telegram.me/Ashura_establishment

Instagram : https://www.instagram.com/ashura_establishment

النص :
يمته ترجع
يالرحت وعيوني تدمع…
يمته ترجع

تريد مني ارفع اديه بالسلام
وروح اگلك وانه بضلوعي خيام
طارن سنيني اعله خطواتك حمام
وصحت بويه وانّسّه باقي الكلام
بويه اريد بحلگك اسمع
يمته ترجع

انته تدري امرك لبنتك مطاع
غير كون يصير امرك مستطاع
اتريد اودعك والله ماعرف الوداع
ليش تطلب مني اختار الضياع
ياصبر يادمعه تنفع
يمته ترجع

شلون اعيشن روح ماتشتم هواك
وليش افرغ عيوني گوه من ضواك
احسبني ماي اتبده يابويه وراك
هيج بديت الطفوله انه بجفاك
بطولك تبديت مدمع
يمته ترجع

: راح اگول اوداعة الله بس اريد
ماتخليني امن اديك انزعلي ايد
وكون ماتصبح عله عيوني بعيد
امشي خطوه ورد عليه بشوگ عيد
أتفرغ ايدي ورايد اقنع
يمته ترجع

ماشفتني شلون يمك صرت احوم
جيتك اركض وانه مااگدر اگوم
مااصدك فرگتي وياك يوم
شلون وادري بفرگتك رايح تدوم
صرت اطب للدار واطلع
يمته ترجع

بويه اخذني الليل مايرحم دخيل
وانه كل عمري بغيابك صار ليل
النوگ گطعت گلبي من رادت تشيل
تمشي واسمع باذني اجراس الرحيل
: أمر من فرگاك شجرع
يمته ترجع
#هيئة _عاشوراء
#Ashura _ Establishment