يامنهال | محمد بوجبارة
يا منهال
أداء
الملا محمد بوجبارة
كلمات
الشاعر علي البحراني
مكساج
حسين نجم
مخطوطة
حسين مقيم
ترجمة
حسن القطري
مونتاج
حسين صادق الحداد
إدارة المتابعة
محمد عبدرب الرسول
إشراف عام
محمود السلطان
إنتاج
بوجبارة ميديا
~~~~~~~~~~~~~~~~
عجيبه اشلون ما تعرفني يا منهال
أنا السجاد واتبدّل عليّه الحال
١
حاسر ليش يبن الهادي والزهرا
متعوّد عليك اعمامة الخضره!
كأنك من سبايا الروم يا حسره
حافي بالشمس ماكو عليك اظلال
٢
شفتك ما عرفتك بالله سامحني
بعدك شاب چاليش الظهر محني؟!
وجهك شاحب ونظراته تجرحني
بعيونك سوالف ما أظن تنگال
٣
اشجابك سيّدي لبْلاد أعاديكم!
وليش الگيد مربوط ابأياديكم
يا مولاي ذابت مهجتي اعليكم
نحلان الجسد وابرگبتك لحبال
٤
يا منهال كافي هيّجت همّي
عاين هالحديد الياكل ابلحمي
أريدن ثوب لا يوصل كسر عظمي
لو تدري ابجرح ساگي اشكثر دم سال
٥
يا منهال أبويه ابكربلا ذبحوه
راس احسين شوفه اعله الرمح خلوه
ما كفّاهم وصدره ابفرس داسوه
ما حصل غسل واتكفّن ابلرمال
٦
مو بس آنا، وَيّايه ترى نسوان!
هذي بالخريبه خت گمر عدنان
يا منهال زينب طبت الديوان!!
واتأشر عليها وتضحك الأنذال
٧
صرنا ابّين وادم باعوا الإسلام
لا تنشدني عنّ الشام آه الشام
يا منهال نظرات الشماته اسهام
وتتأمر علينا صارت الأطفال!
٨
خصيم الگوم باچر جدنا بالمحشر
وعليهم شاهده أم ضلْعِ لمكسر
تراني ابن الصفا والمروه والمشعر
هيهات الدهر ما يمحي ذكر الآل
—————
