نعي طور بحراني - الشيخ ميثم التمار - (حصرياً) | محرم 1442هـ - 2020 مـ

اشترك في القناة الرسمية لسماحة الشيخ ميثم التمار :
https://bit.ly/2puKK1v

نعي طور البحراني - الشيخ ميثم التمار - (حصرياً) | محرم 1442هـ - 2020 مـ
Maytham Al Tammar - Ney Biharani (EXCLUSIVE) | 2020

كلمات : المرحوم كاظم منظور الكربلائي
م. صوت : قيصر الغراوي
مكساج : حسين الطليباوي

كلمات القصيدة :

يالنايم إعله العلگمي من نومتك گوم
وإلحگ عله إعيالك تراهي إبولية الگوم
* * *
عباس تذكر من طلعنه إمن المدينه
إنته الچفيل إو إنته حماي الضعينه
إو رايتك طول الدرب منشوره علينه
إو ما چان گلبي إيحسِّب إبحسبات هاليوم
* * *
عباس فاتني إو مشن بيض الليالي
إو ريتك يبوفاضل تشوف اليوم حالي
حرمه إو غريبه إبكربله إو من غير والي
وإعيوني ظلّت ساهره إو ما تقبل إلنوم
* * *
أصفن وأحاچي الروح چا وين الخدر وين
راح إو هلي ظلو عله الغبره مطاعين
وإتشوط روحي للمعاره وأندب حسين
أحّا عله إمصاب الحسين إنذبح مظلوم
* * *
عباس صيوان البنيته الخدر العيال
وياك راح إبكربله إو ذاك الخدر شال
وإبيوت أهلنه إتهدّمت وإتغير الحال
أحّا عله ذيچ الشباب إو ذيچ العلوم
* * *
عباس أدري بيك ما تتحمل إعتاب
لاچن تراني إمصوّبه إو يضهدني الصواب
گطّعت گلبي كربله إبشفرات المصاب
والگلب ميضم العلل لو چان مالوم

#طور_بحراني
#ميثم_التمار
MAYTHAM Al TAMMAR . All rights reserved ©️

الحسابات الرسمية لسماحة الشيخ ميثم التمار
ـــــــــــــ
Official Instagram: http://instagram.com/sh.maythamaltammar
Official Youtube : https://youtube.com/tammar31
Official Twitter : https://twitter.com/mt_altammar?s=09 فيس بوك
https://www.facebook.com/fanz.altammar/