مظلومة يازهراء | عيسى العيسى | إستشهاد السيدة الزهراء ع

⁣🚩 :: مظلومة يازهراء ::

🎙اداء ملا | عيسى العيسى
🖋 شعر الأديب | السيد سعيد الصافي

الحسابات الرسمية للرادود الحسيني عيسى العيسى
اليوتيوب : https://www.youtube.com/@ESSA_MEDIA
الانستقرام: https://www.instagram.com/essa_media
التيك توك: https://www.tiktok.com/@UCp9R8n6hCLyAXFlSTDyzZXA
تويتر : https://twitter.com/ESSA_MEDIA
ساوند كلاود: https://soundcloud.com/essa_media

القصيدة كاملة:
مظلومة يازهراء مهمومة يازهراء

يالرايد صراط المحشر اتعبره
ويوم احسابك الهادي النبي ايحضره
ومضمون ابشفاعة فاطمة الزهره
ابكتاب المحب هاي الحكمة مكتوبه

يالرايد تفوز بجنة الوسعة
أبشرك والشفيعة الطاهرة البضعة
عليها من تشوفك تهمل الدمعة
كل قطرة بألف بالأجر محسوبة

يالتذكر ضلعها وتذكر البسمار
وتلعن كل حقود اللي هجم عالدار
وامن بعد جسمك ما تمسه النار
اليذكر فاطمة تتكفر ذنوبه

اليرضي الخالق ابأعماله يرضيها
ويأذي المصطفى كلمن يأذيها
أطلب حاجتك والزهرة ناجيها
اليطلب منها حاجه ينال مطلوبه

يالتخدم الزهره وادموع اتسيل
انصحك تلتزم عن هالدرب لا تميل
ومن گبلك خدمها ابكل فخر جبريل
وگبل آدم ابعرش الباري مهيوبه

هاي القدمت للباري ضلع وعين
ورضيع اجنين وقدمت طشتين
وطشت ثالث البيه ترفع الچفين
تجازي أم البنين القضت منكوبه

توقف بالقيامه وبين كل الناس
اتطخ الروس كلها وتخمد الانفاس
تطلع اچفوف سبع الگنطرة العباس
تقول ابيا ذنب ياربي مشلوبه

تنادي شيعتي ياربي نجيها
واغفر كل ذنوب الماضيه اعليها
واشتطلب الزهره الباري ينطيها
والعادت الزهره تظل مذنوبه