ماعندي وقت | محمد بوجبارة
أداء الملا محمد بوجبارة كلمات الشاعر بشار العبادي مخطوطة حسين مقيم مكساج حسن المرهون تصوير Capture إدارة المتابعة محمد عبدرب الرسول اشراف عام محمود السلطان مونتاج مهدي الحداد إنتاج بوجبارة ميديا ~~~~~~~~~~~~~~~~~ هذه الشهر شهري وايامه كل عمري ماحاسب انه اشكد عشت حاسب لطم صدري - - - - - - - - - - - - - - ما أحسب أسنيني المضت وشكد بقالي من العمر أحسب شهر بي فاطمه بكد الهوئ توزع أجر انه انخلقت الهالشهر وللدمعه واللطم الصدر عايش على طول السنه گلبي أحر من الجمر ................................ كل عمري بشهوري تلكاني عاشوري وهذا الولاء الفاطمة تعويدي من زغيري - - - - - - - - - - - - - - متگمط اني بيا علي. وبسم الله خلوني بمهد ولولتلي أمي بفاطمه وكالتلي إسمع يلولد شهر الحسين بركبتك خادم تظل أعله العهد ولا انته ابني ولا انه .. أمك اذا خنت الوعد ............................. كالتلي كُر عيني من تخدم حسيني يوليدي رايدتك ذخر من أنزل إبكبري - - - - - - - - - - - - - - موكب أحس وسط الجسد وأعضائي كلها خادمه وعيوني تخدم بالدمع وجفوفي تخدم لاطمه والخيم تحرك بالكلب والنار تسعر بالدمه والساني يعطش عن قصد ويواسي الحسين إبضمه .......................... وكل طفله بالهيمه فرت بلا خيمه عالوجنه أصورها إبدمع من الجفن تجري - - - - - - - - - - - - - - وجهي يظل اسود اذا ما البس الأسود إله وادعي على عيوني بعمه لوما تهل لكربله لعبد الله اذا ما انتحب معناها اصافح حرمله ولمن على حسيني اون أرضي الإله ومرسله ........................ لوضمن عيوني دمعاتي بجفوني باجر شجاوب حيدره ما ينقبل عذري - - - - - - - - - - - - - ماعندي من وكتي وكت حته التهي وي دنيتي لميت كل وكتي وكلت ماكو أهم من خدمتي وهالخدمه نعمه ودعوتي ياربي زيِد إبنعمتي وشما حرگتلها العمر تحلالي باجر شيبتي .......................... قيمه وشإن عالي بالخدمه تبرالي كل هذا بالدنيه وبعد بالاخره ذخري .
