ليش احبك | الشيخ ميثم التمار | محرم 1441 هـ - 2019 مـ

الشيخ ميثم التمار – ليش احبك | محرم 1441 هـ - 2019 مـ
Maytham AL Tammar - lysh ahebk | 2019

كلمات : الشيخ وسام الشويلي
ألحان : الشيخ ميثم التمار
توزيع : فاضل الزيادي
Mix&master : حسين الطليباوي
تصوير : قاسم الشمري

الكلمات :
ليش أحبّك ياحسين سألوا بنظرة عتاب
ليش أحبّك ياحسين كلمه أكبر من جواب
* * *
هيّه مو صعبه الإجابه ياحبيبي اعله السؤال
لكن الصعبه عليهم ما يفهمونك مُحال
ماكو چلمه التنطي حقّك واعتذر حتى الخيال
والّي قاصر في حدوده يعجز يوصف الكمال
صعبه وجودك يحتويه العدم
صعبه الحقيقه يسولفها الوهم
عيوني تحچي لو عجز بيهم خطابي
بي العلّه المافهم معنى جوابي
ليش احبّك
* * *
هيّه مو ليش آنه احبك ما أحبّك آنه ليش
ياهوه الدنيا وبدونك تستمر أيّامي بيش
بلايه ماي يموت كلشي بلا عشگ ما يحله عيش
وانته ماي الرحمه وآنه باقي من دونك عليش
والله عجيبه ينكرون الهوه
العلّه بضميره الگال عوف الدوه

انته كلشي وخدمتك ديني وحياتي
اسكت اعله الأسئله وتحچي صلاتي
ليش أحبّك
* * *
آنه غرگان بذنوبي والعمر غفله ويروح
محبّتك هيّه السفينه البيها صاعد حتى نوح
الما رضا ايروح اعله بابك هذا ماظن عنده روح
جنّة الباري ورحمته من عطر حبّك تفوح
يامن خلودك يقره بيه الوحي
خصمك محيته وانته ما تنمحي
ياحبيبي الحيّر الدنيا بفعاله
والسألني مستحي وبطّل سؤاله
ليش احبّك
* * *
الچان يسألني اعله حبّك شافك وظل بسكوت
لأن شاف الموت يمّك منحني وقرّر يموت
سكتت سيوف آل أميه وباقي دمّك بأعلى صوت
الكعبه لو رادت تصلّي أسمك يصير القنوت
بالطف يزورك كل رسول ونبي
بسمك يلبّي ياغيور وأبي
ربنه بيك احكامه تثبت وانته ثاره
وتوضح الكل الخلائق هالعباره
ليش أحبّك
* * *
نسألكم الدعاء

انضم الآن إلى القناة الرسمية للشيخ ميثم التمار على اليوتيوب:
https://bit.ly/2puKK1v فيس بوك
https://www.facebook.com/fanz.altammar/