كل سنة مسبية | يحيى عفارة

قصيدة #كل_سنة_مسبية

الرادود #يحيى_عفارة
الشاعر #ميثاق_الحمداني

غرافيكس غادة شومر
ميكساج علي خليل
تنفيذ ابراهيم حريري
حسينية السيدة طوعة - بيروت
شهادة السيدة زينب عليها السلام
———————————

الحسابات الرسمية للرادود يحيى عفارة

‏Facebook:
‏https://www.facebook.com/profile.php?id=100094293742464&mibextid=LQQJ4d

‏Instagram:
‏https://instagram.com/yehia.afara

‏Telegram:
‏https://t.me/yehiaafara
—————————
ليش . كل سنه مسبيه
ليش . استراحي شويه
ليش . هالتعب علويه
كل سنه تمشين للشام . بالله لا تمشين هالعام
استراحي شويه
…..
يزينب كافي اشوفنج غريبه بكربله
اريدن هالسنه زينب تضل مدلله
السنه مريود ابو فاضل يرد بالعايله
السنه ما ريدج بهزله ويضربج حرمله

كافي تعطشين والدموع مذروفه
لو مره عباس يجي وماي بجفوفه
وياه ترجعين بعد كافي الكوفه
يا زينب
كلماجه عاشور انه حسين ابراله
واتفائل بخير واتانيه اويه اطفاله
واكتب تره اليوم يجي حسين لعياله
يا زينب

اه . وحشه كل ايامج
اه . والشمر گدامج
اه . من خسرتي خيامج
بالسبي خلصتي الايام . بالله لا تمشين هالعام
استراحي شويه
.
تعبتي من الخيم زينب وانه اذكر واختنگ
خيامج هالسنه اتمنى بعد ما تحترگ
رقيه عالجمر تسحگ بعد كافي سحگ
ومتون اسكينه هالمره يسلمن مو زرگ

وارقيه هالعام اريد اسمع عنها
مو تركض بخوف والسياط لحگنها
تركض للحسين والحسين يحضنها
يا زينب
الاكبر تمنيت يجي وما تبجيله
مو يركض حسين من الكاع يشيله
يعود وبالخيام تفرحين وي ليله
يا زينب

ريت . يوم واحد منج
ريت . يشفى زينب متنج
ريت . شويه يوگف حزنج
امن الحزن ما ضلت احلام . بالله لا تمشين هالعام
استراحي شويه
…
تمنّي وعايشه بروحي وبقيت اتخيله
الحسين الينتصر جيشه ويعيش بكربله
ولا مسبيه تمشين اعله ناگله ناحله
وجفوفه تلزم ايدج مو بديج السلسله

شجابج على الشام يخت وارث آدم
وبدخلة السوگ يگولون العالم
عن خاتم حسين بكم هذا الخاتم
يا زينب
شويه وتسمعين رقيه بواجيها
لمّن يبيعون على الناس قرطيها
ومحتاره تبقين بشنوّ تواسيها
يا زينب

نوح . والسهر ليليه
نوح . تريد ابوها ارقيه
نوح . فاگده ومحنيه
والشماته هوايه ضلّام . بالله لا تمشين هالعام
استراحي شويه