غريبين | محمد بوجبارة

‏‎[ غريبين ]
-
أداء الملا محمد بوجبارة
كلمات الشاعر عبدالله بوحمد
-
ذكرى استشهاد الامام موسى الكاظم عليه السلام

موكب الكاظمية
حسينية العلوية - بلدة الجبيل

مخطوطة - سيد حيدر البراهيم
ترجمة - حسن القطري
‎مكساج - حسين نجم
مونتاج - علي حسن
إشراف عام - محمود السلطان
-

-
إنتاج: بوجبارة ميديا
1445 هـ

~~~~~~~~~~~~~~~~~~~~~~~~~~~

مــن أسهـــــــر الليالي زينب تجــــي اعله بالي
أبچـــي ابقهــــر عليها وتبچي ابأسى اعله حالي
غريـبـيـن..كلمن رضه ابنصيبه بِالِــوْنـيـن..نتشــارك المصيبه


*** *** ***

هـذا حالـي .. كــــل مسيّه .. دوم أبچــي .. عالسـبيّه
وآنـه أشعر .. عَمْتي زينب .. تعتــنيـلـــي .. الكاظميّه
مـــن أگلــها.. شوفي إيـدي .. امگيّـــــديها .. للمنــــيّه
اتگلّـي عمّه .. لا يهمّـــــك .. حال إدينك .. مثـل إديّه

يالـتـشــبه العقـــيـــله باگــــــــيادك الثگيله
ابطاموره سجنك انته وسجني غده الهزيله
مساجيــن ..وإلنه قصص عجيبه بِالِــوْنـيـن..نتشــارك المصيبه


*** *** ***

أروي إلـهـا .. چتّفونـــي .. واشتمونـــي .. واضربوني
ابسوط عمّه .. عذّبونـــي .. ويجري دمّي .. مـن متوني
اتصيح موسى .. يم أخوتـــي .. يضربوني .. من خذوني
واسمع آنـــه .. انشتم حيــدر ..والزچيّــه .. واشتمـوني

مسبيّه من أمـــــــــيّه وگالولـــي خارجـــيّه
عالكــــل أَنَا أمــيــره گالــولــــي أجنـبــــيّه
ونساوين ..للمصطفى غريبه بِالِــوْنـيـن..نتشــارك المصيبه

*** *** ***

إلها أحچي .. شوفي سجني .. الهوا لو هب .. صعب أشمّه
اشلون أمشي.. ابساگي رضّه .. اثگيل گيدي .. اشلون ألــمّه
اتگلّي إحنــه .. للخليقــــــــــه .. صرنه فرجه .. للمـــــــذمّه
بالسلاســــل .. گمنه نمشـــي .. الكــــل ينادي .. آه يعــــــمّه

ولاذت سكينـــــــــه بيّه وكل الحــــــــــرم عليّه
ويمّي اضـــربوا حميده ويمّــــــي اضربوا رقيّه
وانَا منين .. عبّاس إلي أجيبه بِالِــوْنـيـن..نتشــارك المصيبه


*** *** ***

عمّـــــه زينب .. إبــــن شاهك .. بالشّماتــه .. أمنـــــــياته
ابصوت عالي .. اعليّه يضحك .. لو ضربني .. ابكل رهاته
اتگلّي صحنـه .. ليــــــت أمنه .. مَوْلــــــدتنا .. للـــــــشّماته
العده تحچـــي .. احسين راسه .. تمشــي يمّه .. كـــل خواته

جسم الأخــو ابطفـوفه وراسه ابرمــح أشوفه
وراس الگمر نظـــرته وابكربلــــــــــه چفوفه
اعله رمحين .. حبيبي وي حبيبه بِالِــوْنـيـن..نتشــارك المصيبه

*** *** ***

ابناتي تســأل .. ويـن أبونــه .. يمتــه يرجع .. مـــن غيابه
واللّــي مثلي .. ماله رجعــه .. يدفنـــــــــونه .. باغتــــرابه
عمّه موسى .. ابنات أخويه .. اوياي نزلـــت .. بالخــــرابه
عندي طفله .. بالبواچــــــي .. دوم تســــــأل .. وينــــه بابه

ابراس الأبـــو إجوها وابطشتـــــه روّعوها
تبچي وتحاچي راسه واتظم نحــــــر أبوها
على احسين ..ماتت وسف سليبه بِالِــوْنـيـن..نتشــارك المصيبه


*** *** ***

عمّـه زينب .. بارض غربـه .. يدفنونـــي .. آنــه أدري
ابلا عشـيره .. ولا حــبايب .. راح أودّع .. باقي عمري
يبن جعفــر .. آنه مثلك .. بارض حزنـي .. صار گبري
والسبّوني .. جاورتهــم .. والمماتــــــي .. جرح أسري

ليش الأهـــل نسونه بالغربه مــــــا لفونه
بالعيشه يــــــم عدانه وبالموتـــــه شرّدونه
مدى اسنين .. يعله الگلب نحيبه بِالِــوْنـيـن..نتشــارك المصيبه