عهد | محمد بوجبارة

أداء الملا : محمد بوجبارة كلمات الشاعر: أبو نجم الأحسائي مكساج : حسن المرهون مخطوطة : حسين مقيم ترجمة : حسن القطري مونتاج : رحمة حسين إدارة المتابعة : محمد عبدرب الرسول إشراف عام : محمود السلطان إنتاج: بوجبارة ميديا 1446-2024 ~~~~~~~~~~~~~~~~ عَزم الوِفى تِــجسَّد وصوت العقيدة رَدَّد (لَـبَّيْكَ يا مُــحمَّــد) *خدَّامَك* اتربينا عـالمنابر! مو بس فقط مَظاهِر يشهد إبن مُــظاهِر.. *خدامك* *مانخلف وعد عهد عهد* على الفِطرة..يبوالزهرة *نِحِبَّك و بشغف نخدم* تربينا..العِشِگ بِينا *وحتى اللي بمهد يلطُم!* على اعتَابك..وعلى بابك *و تِكْرِمنا يبو القاسِم* تِخَرَّجْنا..و تِتَوَّجْنا *برُتبةْ هايم و خادِم* اتقَدَّمْنا ما رِجَعْنا يم بابك اجتمَـعْنا تحت أمرك ورِكَعْنا *جِدَّامك* حَيَّ على الشَّعائِر باليوم و أمْس وباچر يشهد إبن مُــظاهِر.. *خدامك* *مانخلف وعد عهد عهد* ############## تِبَعْناكُم..بليَّاكُم *الدِّنيا الفانِية شتفيد؟!* سند ظهرك..تحت أمرك *و عن دربك أبد مانحيد* إلَك شُكرًا..شنسولف عن؟! *و تِمِد إلْنا بعَطُف يَـدَّك* ونشوف الغير..يأصْل الخير *ضاعـوا وتْرِكوا عهدك* وكل شيعي بينا صادق بقُدسيةْ الحقائق و أصبحنا بالوثائِق *هِــيَّامَك* اشما نبتلي نِصابِر و بِسَّمْع و بِالنَّواظِر يشهد إبن مُــظاهِر.. *خدامك* *مانخلف وعد عهد عهد* ############## يهالمرسول..الإلَه ايگول: *{كُلُّ مَنْ عَـلَيْها فَانْ}* تروح أعوام..وتجي أيام *وتظل وجه العلي الرحمن* الفلك دِرْتَه..و صِرِتْ إنْتَ: *تسـجِّلنا بصُحُف مِن نور!* يهادينا..و تِــنـاديِـنا: *{وَكَانَ سَـعْـيُـكُمْ مَشْكـور}* اتسددنا في عَمَلْنا وبس خدمتك أملنا يالمُـصـطفى حِمَلنا *أعلامَك* بالحق إلك نجاهِر منهلنا صافي طاهر يشهد إبن مُــظاهِر.. *خدامك* *مانخلف وعد عهد عهد* ############## العهد مرسوم..نِخِدمك دوم *و نخدم فاطِمة و حيدر* الوِفى لَبَّى..ذوي القُربى *و زينب و الگمَر لَــزهــر* مِن أرض الطَّف..عَلَمنا رف *و برايةْ حـبـيـب انسـير* بطل مغوار..و شيخ أنصار *و بعزمه العقول اتحير!* و بتضـحيانه يحرُص ولحسينه روحه مِرخِص فارس شُجاع و مُخلص.. *لَيْتامَك* ماهمته المخاطِر واحنا إذا نِــثابِـر يشهد إبن مُــظاهِر.. *خدامك* *مانخلف وعد عهد عهد* ############## حبيب أصبح..نهر ينضح *كرامة و مرجِلة و هِمَّة* بمفاهيمه..و تعاليمه *يشجعنا على الخِدمة* يِفَهِّمْنا..و يِعَلِّمْنا *بدِمانا انحامي ونْدافِع* و قدوتنا..في خِدمتنا *بُرير و عابِس و نافِع* يا سيدي ابتَنافُس.. اليوم اشكثر عوابِس و چم كربلائي حارِس *لِخْيامَك* نَحمي خِدِر حراير و نْـحَطِّـم البواتِر يشهد إبن مُــظاهِر.. *خدامك* *مانخلف وعد عهد عهد* ############## مجانينك..محبينَك *و كِلْنا للحرم حُراس* الحَتِف زَفَّة..بثدي العِفَّة *رضعنا غيرةْ العباس* نشيل إلْواه..و عهد وَيَّاه *بالخدمة الحُسَيْنِيَّة* خِدَم مولاه..و نال الجاه *و الرِّفْعَة السماويِّة* بچفينه و بحُسامه صان الوفي الكرامة و حامَى الحُسين وحامَى: *إسْلامك* لجل الدِّيانة ثائِـر و بمبدأه نِـبادِر يشهد إبن مُــظاهِر.. *خدامك* *مانخلف وعد عهد عهد*