عمي وين | الشيخ حسين الأكرف | ليلة 11 محرم 1443
[ عمي وين ]
الشيخ حسين الأكرف
كلمات: عباس فرحان
ليلة 11 محرم 1443
الحسينية البحرانية - قم المقدسة
الهندسة الصوتية: حسن مرهون
___
http://husseinalakraf.com/
__________________
تابعونا عبر وسائل التواصل:
الانستغرام: https://www.instagram.com/alakraf_ofc/
الفيس بوك: https://www.facebook.com/alakraf.ofc/
الساوند كلاود: https://soundcloud.com/alakraf_ofc
تويتر: https://twitter.com/alakraf_ofc
للإستماع على المنصات الصوتية على الرابط التالي:
http://l.bayat.me/I9VSniju
__________________
عَمّي وين ليلة الوحشه يجي اينيّمني بعيونه؟
عَمّي وين عمّه ما أقدر أنام إلوَحدي مِن دونه
غُربه بفراقه آنه مشتاقه
•••
حَل مَسَاء الغُربه وآلام المشاعِر
عمّي غايب يعني جَرحي وخوفي حاضِر
خيمتي محروقه والهَم حولي داير
بس أشوفه أشتكي: عذّبني عاشِر
كلّي خوف أرتعِش ويّا الهَوا وحولي الدرُب هيمه
كلّي خوف خل يطمّني ويسوّي اجفونه لي خيمه
عنّي اشعاقه؟ آنه مشتاقه
•••
ساهِره ما أقدر أغفى ابلحظه وأهجع
نار أشاهِدها وحريم اتقوم وتوقع
قِلْت أقول إلعمّي هالواعَدني يرجع
السوط بمتون الصغيره والله يوجع
عنّي راح قَلّي يالعَطشانه أسقي وعالوعد باقي
عنّي راح عمري مِن بعده غصِن أصفر بلا ساقي
ذبلت أوراقه آنه مشتاقه
•••
الليله وَحشه ولا قمر يضوي ابسمَاها
اشلون أنام وفارقت روحي ضواها؟
أشعر ابخدّي حِمَم يسعر لظاها
لا تقولين السهَم عينه طفاها!
بالظلام عمّه لدروب الشريعه مَن يودّيني
بالظلام أمشي للعبّاس أقلّه هاك إِخذ عيني
ودّي نتلاقه آنه مشتاقه
•••
حتّى لو عينه انطفت مشتاقه اشوفه
ابوجهه أتصوّر علي جدّي وطيوفه
عمّي ايده اوسادتي وروحه عطوفه
لا تقولين العِدا قطعوا چفوفه
ما ينام أدري عمّي صاحي ما فارقني إحساسه
ما ينام إلا لو قلتي العمَد صابه على راسه
كم جرِح لاقه؟ آنه مشتاقه
•••
عمّي لبّسني حِجابي وصان حدّي
ما أظَن يرضى أبات ابغُربه وَحدي
صورة المَصرع دِمع لوحتها خدّي
باچر أشكي له وزجُر بظعوني يحدي
اهناك أصيح هذا سلّب قُرطي هذا اعلى الوجِه ذبني
اهناك أصيح هذا سب الزهرا هذا ابسوطه عذّبني
من على الناقه آنه مشتاقه
••
#الشيخ_حسين_الأكرف
