عالناگه لوليت | أحمد الخاقاني 1444 هـ

قصيدة عالناگه لوليت 1444 هـ
كلمات الشاعر كرار حسين الكربلائي
ألحان واداء ملا احمد الخاقاني

الهندسه والتوزيع: علي الميرزا
التنفيذ والمونتاج: محمد زماني
الاشراف العام: سيد سراج الموسوي

الرعاية الإعلامية:
شبكة صوتيات ومرئيات الشيعة


كلمات القصيدة:
عالناگه لوليت .. نوم العوافي يالولد يمه الولد نام
ياشمعة البيت .. غافي برمح مو بالمهد يمه الولد نام
ها يالهوه بريتي .. شلونك يعافيتي
يمه الولد نام يمه الولد نام

///

يا ناس امس عندي ولد اتبچي الصخر سالفته
عطشان ماعندي لبن من دمعتي شربته
مذبوح من جابوه الي ابلايه نحر نومته
واليوم اشوفه اعله الرمح شلونك ييمه اسألته
وشلون اناغيك.. مشتاگه اشبگك ياجرح وشلون اناغيك
ابچي واحاچيك .. عالي يعبد الله الرمح وشلون اناغيك
بعدك هدم بيتي.. شلونك يعافيتي
يمه الولد نام يمه الولد نام

///

تذكر ليالينه المضت نسهر سوه كل ليلة
بس انته چنت بدنيتي وكل مغربية ادعيله
امك يعبد الله انحنت مهدك خله وتبچيله
المن تلولي وما بقه بس رمحك تلوليله
لا راسك يطيح .. بهيده الولي وخايفه لا راسك يطيح
گلب امك يصيح .. ها يا ضواي الي طفه لا راسك يطيح
بس ترجع امنيتي .. شلونك يعافيتي
يمه الولد نام يمه الولد نام

///

نحرك زغير اعله الرمح ما ادري شنهو احساسك
مچان الابوسك بيه چنت سهم المثلث باسك
وينك ييمه شماگلت عالرمح يفتر راسك
شفافك گبالي مفطره وما عاتبت عباسك
يا روحي ناديت .. موتي على فراگ الابن ياروحي ناديت
وشعندي خليت ..عمري مثل بيت الحزن ياروحي ناديت
بيك اعتله صيتي .. شلونك يعافيتي
يمه الولد نام يمه الولد نام

///

عاشور كل عمري صفه لمن رحت ياعيدي
يل چنت بالوحشه ونس المن عفتني اوحيدي
حصلت ماي وبالدرب وينك صحت يوليدي
اركض اجيت اعله الرمح شايله الماي بأيدي
وجهك يغطيه.. فوگ الرمح ليل الضمه وجهك يغطيه
وبحرگه احاچيه .. تراب السبي وفيض الدمه وجهك يغطيه
مسبيه تاليتي .. شلونك يعافيتي
يمه الولد نام يمه الولد نام

///

عبد الله افز من نومتي والتفت بس ماهوه
وداعت الرضنهه العده عشت بغيابك گوه
شما مرت اعليه سنة ينولد جرحك توه
انت وابوك بكربله طحتوا وزماني شسوه
صدگني حنيت .. يا ماي عيني لشوفتك صدگني حنيت
مكسوره ظليت .. لشبگتك يبني وضحكتك صدگني حنيت
سهري ويتربيتي .. شلونك يعافيتي
يمه الولد نام يمه الولد نام