صح أربعة | الرادود محمد الحجيرات

ليلة 4 محرم 1439هــ
أداء : الحاج محمد الحجيرات
كلمات الشاعر : علي السقاي
في حسينية الرسول الأعظم - الكربلائية -
بدولة الكويت

صح أربعه عندي بس هوّه شِي ثاني
تضحك إلي الجنه لو يُمه ناداني
فرق بين اَرض وسمه احسين أُمّه فاطمه
أنا وين وهيّه وين
.............................................
١
طَبُع كل أُم بَنيها تفتخُر بيهم
اْو بني الزهره الغِديت اَفخر بساميهم

دخلت اِلبيتهُم مو آمِره اِعليهم
وَانا الأتربّه عدهُم مو أرَبّيهم

ماجيت اَصير اُمهُم اْو هالعتره أسيادي
جيت ابخِدِمتي أنا اِلذُريّة الهادي
شرف أصبِح خادمه احسين أُمّه فاطمه
أنا وين وهيّه وين
.............................................
٢
علي اشما فاطمه ابإسمي يناديني
احسين اعله الضلع يبچي اْو يبَچّيني

علي ابأُم البنين اصبَح يسمّيني
اْو گبل اصيارهم گلت اَنذر ابنيني

اْو مِن صاروا اخوانه واتربَّوا على الخدمه
گلت اِلهم ابسيّدي اتنادونه مو بسمه
بحترام انكلّمه احسين أُمّه فاطمه
أنا وين وهيّه وين
.............................................
٣
بنيني اشگد أحبهم تحچي بيّه الناس
چان الينتخي ايحلِّفني بالعباس

لچِن لا واللي بيده النفِس والأنفاس
حبهم ابحب احسين ماينقاس

وِالهالسبب مِن مشه اْو ودعني بدموعه
أربع هدايا نطيته اتصير اله ادروعه
اسيوفه يوم الموزمه احسين أُمّه فاطمه
أنا وين وهيّه وين
.............................................
٤
ابلسان احسين يامحلاة هالچلمه
چنِت أنطُر يرِد واِيگلّي يايمه

انحرمت اشهور منها اْو روحي مهتمّه
وإجه ناعي الردى اْو چنّي اسمعِت إسمه

هالناعي چنّي اسمعِت گال اِسم ابو اليمه
منهو اللي راسه ابرمح وابكربلا جسمه
رحت اسِئله اْو أفهمه احسين أُمّه فاطمه
أنا وين وهيّه وين
.............................................
٥
الناعي مِن ذكرلي ابنيني بالأوّل
گلِت مو عن بنيني جيتك اْو أسأل

عفاها اشلون چانت روحي تتحمّل
عِزيزي احسين موتي ابفرگته أسهل

ما أذكُر اشجاوب اشگلّي اْو شِعَل ناري
بس اَذكُر اِمْن افتَحِت عيني اْو أنا ابداري
غِشَت روحي الهايمه احسين أُمّه فاطمه
أنا وين وهيّه وين
.............................................
٦
مثل ناعور صارت بالبچي هالعين
بس تترس دمِع واتبدّي لجل احسين

صحِت مأجوره يامكسورة الضلعين
اسمَعِت مشكوره يم الأربعه الطيبين

ياهي أنا اْو فاطمه من عندي تتشكّر
فدوه أنا اْو كل بنيني اِلإسم ابو الأكبر
اشويه لو أفدي الدمه احسين أُمّه فاطمه
أنا وين وهيّه وين
.................................

الحسابات الرسمية للحاج محمد الحجيرات

Facebook :
https://www.facebook.com/alhojairat

Twitter :
https://twitter.com/alhujairat

Youtube :
https://www.youtube.com/user/alhojairatclips

SoundCloud :
https://soundcloud.com/alhojairat

instagram :
https://www.instagram.com/alhojairat