انشر الراية | الشيخ حسين الأكرف | ليلة 22 صفر 1447 هـــ

🏴 ليلة ٢٢ صفر ١٤٤٧ هـ 🏴 ‎ 📍 المخيم الحسيني - العراق - كربلاء المقدسة [ انشر الراية ] 🔹أداء : الشيخ حسين الأكرف 🔹كلمات : سيد علوي الغريفي —————————————— 🔹الكلمات : يعباس / گُـبّتـك للوفـه امرايه يعباس / لينه رد وانشر الرايه احنه العطاشه وكلّك إحساس روّيـنـه بچفوفـك يعبّـاس وانشر الرايه ————— چفّـك عالنهـر مِـتـنَـزله آيه يلعطفك زمن ماله نهايــه ما ردنه النهـر ما ردنه مايـه صارت قُبّتك تروي الظمايه يمـن واقف اعله النهـر وقفـة جـبل اجيت.. النهر صاح: "أمير الطف" وصَـل عـلي هاللي نـازل في هيئة بوفاضل يشيل الشريعـه .. بلا ايديـن على المـاي / بوالفضل هذا معقوله ! على المـاي / ينعكِس حيدر ابطولـه بالحضـره نادت هالمسه الناس: روّيـنـه بچفوفـك يعبّـاس وانشر الرايه ——————- من جيـت النهـر طخّ راسه وانـذَل قلّك سيدي ابأمرك: تفضّـلْ والماي ارتجف وبخوفه يسـأل: منهو اليشرب امن الثاني أوّل ؟! مواكب ملايـك حمايه تـتـبعـه نزل كلّه هيبه.. "ملِك" عالمشرعه عـلي ايقلّـه: واصِـل كفو يابو فاضـل كفو وعاشت إيدك يـعبّاس علي اوياك / عالنهر تكـفي "سبّابه" علي اوياك / عاد وخيبـر قـلع بابـه واحنه اويه قـبرك ناخذ أنفاس روّيـنـه بچفوفـك يعبّـاس وانشر الرايه —————- يا راعي العلم عمرك حضارة يا أوّل بشـر يشبـه مـناره كلما للوفـه انـدوّر عــباره إسمك يابوفاضل في الصداره عرفـت الجهات أربـع وكلشي انتـهى وإجيت وشِفت گُـبّـتك خامس جـهة يمينه ويساره مناره ومناره يباب الحياره يعبّـاس يبو اچفوف / الـوفه انته ميزانه يبو اچفوف / ما عفت دمعه عطشانه نوگف عطش يمّك نمد كـاس روّيـنـه بچفوفـك يعبّـاس وانشر الرايه —————— يا كعبه وحواليها النهـر طـاف مـنّـك بالحـرب مولايه ينخاف وما يفـرگ بعـد هذا انته مهيوب وسط الحضره مثل الرهبه تنشاف ضريحك مثل سيفـك ايزلزل وايشِب شديد اعله أعـداه رحيم اعله اليحب يمن كلـه رهـبه اْو حِـنيّـه قلبـه عليك الله سلّمْ يعبّـاس أقلّك / يالكفيل اتحنّن اعليه أقلّك / حاجتي واتقلّي: مگضيّـه هالنخوه يا زاير عله الراس روّيـنـه بچفوفـك يعبّـاس وانشر الرايه —————- طايـح عالنهر واتعلّم النـاس معنه الإرتفاع ورفعة الـراس إشهد يا زمن ما لحظة ننداس دام بكل حرُب قائدنا عبّاس طبيعي عدونـه نذِلّـه ونِكسُره اْو قائد كـتايبنه سبـع الگنطرة أبد مـ انهزمنه وأبو الغيره يَمـنه تلاميذك احنه يعبّـاس بَله ايدين / سيدي مثلك انقاتل بَله ايدين / لينه أشّر .. يبوفاضل دسنه الرده وما لحظه ننداس روّيـنـه بچفوفـك يعبّـاس وانشر الرايه —————————————— ‏Chapters: ‏‎00:00 - انشر الراية ‏‎01:35 - چفّك عالنهر ‏‎05:12 - من جيت النهر ‏‎07:59 - يا راعي العلم ‏‎10:17 - يا كعبه و حواليها ‏‎12:42 - طايح عالنهر —————————————— الموقع الرسمي http://husseinalakraf.com/ —————————————— تابعونا عبر وسائل التواصل: الانستغرام: https://www.instagram.com/alakraf_ofc/ الفيس بوك: https://www.facebook.com/alakraf.ofc/ الساوند كلاود: https://soundcloud.com/alakraf_ofc تويتر: https://twitter.com/alakraf_ofc ————————————