الرادود أبراهيم العكراوي قصيدة ( خوية عباس ) موكب شباب العباس النجف الاشرف / المصور طاهر الفحام

الرادود أبراهيم العكراوي قصيدة ( خوية عباس ) موكب شباب العباس النجف الاشرف / المصور طاهر الفحام
خويه عباس سهمك ابعيني خويه عباس لاتخليني

ظهري ياهو ايعدله بين شمر وحرمله

خويه عباس لاتخليني

يحزام الظهر عكَبك أظل وحدي وانتة اخر اخو ابطف كربله عندي

اريد الزينب ودم جفك بخدي واذا تسالني عنك جاشنو ردي

ظهري مكسور من ارد ليها يعني الخيام طاحت اعليها

وتنسبي هاي العا يله بين شمر وحرمله

خويه عباس لا تخليني

يعباس امن نجيت ابلوعه وبحسره موجفين جنحين الوفه حمره

خيل السحكتها هاذي عالغبره حوافرهه تساحك ابصدري وتكسر
من الاجفوف ياكمر عمري تعتني الخيل تسحك ابصدري
وصوتي باللوعه اعتله بين شمر وحرمله

خويه عباس لا تخليني

آخ إيصيح كل أخ اليضل وحده ولوعنده أخو بالغايبه إيكصده
واذا صدري السهم طلع ثلث جبده ردت جفك جيني ابساعه الشده
خويه عباس لو نزف صادري بل ميادين ياخو عندي

ياابن عقد الوله بين شمر حرمله

خويه عباس لاتخليني

الطفل تسألني عينه عا لكَمر وينه وعلى صدره يحط اثنين جفينه

يبست يا ابوفاضل با لظمه عينه ومفطورات من يومين شيفتينه

طفلي عطشان ونته بي تدري ساعه وايموت محتظين صدري

ساعه والدم غسله بين شمري وحرمله خويه عباس لا تخليني

اعاين عالنهر بعيوني الامي مين عينك يسيل الماي كَدامي

وي هامك يعباس انهشم هامي واشوف ابطيحتك جن طاحت اخيامي


خيمه عينك لا ختك الحره ورد اخيك منكسر ظهره

ياجرح اتحمله بين شمر وحرمله

خويه عباس لا تخليني

ارد الزينب وجمر الا الم بيه ودم عينك تشوفه ابهاي ايديه

انه الخيل راحت تسحك اعليه وزينب من بعدنه اتصير مسبيه

جفوفك انة صارن اكبالي وانه صدري ينسحك تالي

وزينب اشمأتمله بين شمر وحرمله خويه عباس لا تخليني

الموشح
ليش مشبوحه العيون اعلى النهر ذاك بالدم يخضب وجه الكمر

وعالنهر ظهره قبل الطف انكسر من عكب عباس الله ايعينه

احسين كل جف شافه مكطوع ابكتر احسين طوله جرح ظل ينزف صبر

احسين ظل وحده عكب عين البدر احسين نزفت يم عضيده سنينه

ماحمل عباس رده للخيم وشاف سهم ابعين شيال العلم

ليش جا من عينه ماجر السهم خاف ويه السهم تطلع عينه

كعد يمه احسين احسين ابن حامي الحمه شابك اجفوف الوفه الكلها دمه

زين ماطاحت على الكاع السمه للسمه لمن رفع جفينه

احسين بيش ايعود لخيام الصبر وهاي زينب لبو فاضل تنتظر

خل يكلها عظم الله الصبر بعد حامي الضعن ميرد لينه

عالنهر عباس هامه امهشمين عالنهر عباس ظل ماعنده عين

عالنهر عباس مكطوع الادين وبالعمد هام الوفه امهشمينه