يخوتي استقبلوني | الشيخ حسن الشمالي | جديد صفر 1445/2023

اداء : #الشيخ_حسن_الشمالي
كلمات : #كرار_حيدر_الخفاجي
الهندسه الصوتية والتوزيع : #سيد_محمد_الكاظمي
التصوير : #محمد_القلاف
المونتاج : #نورس_الطيب
مخطوطه : #حسين_مقيم
اخراح : #جراح_الحسيني

ها يخوتي استقبلوني
ومن الناقة نزلوني
اه يا خوتي يخوتي
*****
اجيت إلكم يخوية بناقة عرجه
اعينوني بعد ما بيه مهجة
وراكم صرت للبلدان فرجة
على شتمي الشامت يدورله حجة
فتحو بيبان القبر جاية إلكم من يسر
منكم اقبل اي عذر
صحت حيكم. قوموا ليه
ومدوا جفكم للسبية
*****
عفتكم تسعة وثلاثين ليلة
يخوتي وقضن كلهن عالهزيلة
وعقب هاي المساقات الطويلة
جدم شلته وجدم مابيه اشيله
جبت من شام القهر. روسكم صوغة سفر
جيت اردهن للنحر
محني ظهري. وقوة امشي
وانتو رحتوا وراح كل شي
*****
صحت يحسسن اقعد زينب انا
جبت راسك ارجعنه بمكانه
واريد العذر عن حفظ الامانة
ترى سنونك نصيب الخيزرانه
اسافر براسك جنت بين رمحك والطشت
تعينك الزهرة اشفت
رغم تعبي. ويا اليساره
انا جيتك لللزيارة
*****
بعد يحسين ضلت حسرة بيه
حفظت كل ضعنك بحسب الوصية
واذا تلقى مقص عندك سبية
تسامحني لان ماتت رقية
اهواية عنك ناشدت وبالخرابة استشهدت
هناكه ضلت ما اجت
واعلى راسك جتها غفوة
ومن وراها ماكو صحوة
*****
يبو فاضل صحت انا الوديعة
صدك تعبانه جيتك للشريعة
قبل ما ابدي اسولف بالفجيعة
اشكرك عالجفين القطيعة
والنعم ما قصرت وذره وذره اتطشرت
وعني عينك ما دِرت
اعليه عينك كل وقتها بيها نبلة وما درتها
*****
يعباس ارد اسولف عقب فرقى
واراويلك متوني شلون زرقة
مثل سطرة الزهرة بعيني تلقى
اخاف احجي بعد وقلبك احرقه
خاف اقلك عالهزل ربطوا جفوفي بحبل
واعرفك ما تحتمل
شقد يخوية جنت اريدك وانت عذرك ماكو ايدك
*****

إنتاج: #الإسراء_ميديا - الكويت 1445/2023
يرجى الاشتراك بالقنوات الرسمية ليصلك كل ماهو جديد
Facebook: https://www.facebook.com/alesra.media
Youtube: https://www.youtube.com/alesraa_media
Instagram: https://instagram.com/alesraa_media
WhatsApp: https://wa.me/96566448889
Telegram: https://t.me/alesraa_media