يا وجيها عند الله || حيدر الفريجي || موكب قمر الزهراء _ ميسان
القصيدة :: يا وجيها عند الله
الرادود :: حيدر الفريجي
الذاكر :: سيد حسين الهاشمي
كلمات :: حسين هادي البهادلي ــ محمد تقي البهادلي
مكساج :: احمد البرمكي
مونتاج وألوان :: اراز الحيدري
تصوير :: اراز الحيدري - نورس الطيب - منتظر رزاق - سجاد الشوراوي
تصميم :: حيدر طالب
مخطوطة :: محمد الحسناوي
مجالس ذكرى تهديم قبور البقيع ١٤٤٣هــ
كلمات القصيدة ::
يا وجيها عند الله ... اشفع لنا عند الله
بيني ما بينك سوالف … يحله باسراره العشك
دمعه تنشاف المشاعر … بوجهي لمن اختنك
وعل سمه ارسملك ملامح … حتى ميلوحك سحك
واوصل لخيمة عيالك … والكه سابكني الحرك
العاشك اليندل حبيبه رايد العشره تطول
وانه محبوبي عرفته نايم وفوكه الخيول
كافي اشوفه بلايه ناصر ظامي كل عاشر يكول
اه اه محبوبك موكب سواله
اه اه حتى يخلي جروحه كباله
اه اه يدور ناعي يظل قراله
______
من خيم روحي لمقامك ... لازم اركظ حتى اجيك
اليركظ وبعده بمكانه ... هذه ما لايح اديك
جايك وجايب بظاعه … حلمي تقبلهه ارتجيك
سيدي امن اوصل اعرفك … حتى ما انشد عليك
ماكو غيرك دامي نحره وباقي رب لكل جمال
وليخليك اختياره ينسى كلشي بلا محال
لون بيده الدنيه كلهه يذبهه لو كتله تعال
اه اه اسئل عتبة صحنك عني
اه اه اطشر ورايه تلمني
اه اه يمك رايد لا تبعدني
________
ردت اسولف كلشي يمك … تقربت يم الظريح
استحي احجي وصوتي عالي … وانت كدامي ذبيح
قررت اكتب رساله … واحجي بلساني الصريح
كملتهه انه ودمعتي … خوفي جانت من تطيح
هيه ورقه بس ثكلهه عل جرح مثل الجبال
تجاهلت كل الرساله لا تلجمك بلسؤال
وانه ادري حروفي خشنه من اسئلك علحبال
اه اه خايف لا جلماتي تلجمك
اه اه وفوك الخيل ترض بجسمك
اه اه بس الميت شوك يفهمك
______
انه رايح ما اودعك … اعرف ارجعلك اكيد
عنك من ابعد اموتن … واحيه يمك من جديد
انت موطن للحياره … شو يسمونك وحيد
سيدي الما يقره جرحك … هذه جرحك عنده عيد
يا بخت عيني اليشوفك وبجمالك تلتقي
باچي دمعه عل يذبحك اليحب شتسوي بي
شارد امن الدنيه كلبي وانت بس المحتوي
اه اه جم خطوه ابعد من يم بابك
اه اه ويردني الشوك اعله اعتابك
اه آه فارغ مارد من جوابك
