وعد السماء | الرادود أحمد غدار
الرادود #أحمد_غدار
الشاعر #اسلام_المحمدي
#شهادة_الإمام_العسكري
#موكب_السيدة_زينب
#لبنان
للإستماع على المنصات الصوتية على الرابط التالي
http://l.bayat.me/0Oo6vlc3
كلمات القصيدة:
الك نشتاگ شوگ العين للنور
متى يبن الحسن ايام لظهور
طال طال وعد السما يغالي
----------------------------------------
للقبلة اتوجه وانزف لك سلام
من عيني دمعي يحمل اشواگ وغرام
واسأل سؤالي واختصر كل الكلام
يمتى ترد للي يحبك يا إمام
ليش انحرمنا / لليوم منك
واحنا نسايل / كل يوم عنك
يمهدي/ من غيابك تعبنا
يمهدي/ اعلى رمل الشوگ ذبنا
يمهدي/ تحنن على حبنا/ وعلى نبضة گلبنا/ يليت اوياك غبنا/ يمهدي
ظميت آنا لكن / عايف الماي
وبلا شوفتك ما / ريد عيناي
وين وين بدرك عن الليالي
----------------------------------------
أتأملك وانته بعمر مثل الزهر
فاگد ابو وظهرك من امصابه انكسر
ودمعك من اعيونك على الوجنه انحدر
صعبه نشوفك في حزن يا منتظر
في هالمصيبه/ ساعدك الله
مأجور مأجور/ يا حجة الله
يمهدي/ نواسيك بعزانا
يمهدي/ ونفديك بدمانا
يمهدي/ بأرضنا وبسمانا/ إلك رفرف لوانا/ وإلك نرفع دعانا/ يمهدي
اليتم داهمك / من صغر سنك
وحيد ومَحَد / يمك في حزنك
راح راح بسم الاعادي الوالي
----------------------------------------
يا سيدي روحي لَمَقْدَمْك الفداء
من احچي لك يصعب عليه الابتداء
تقبلني في جندك ألبّي للنداء
اتوسل الليله بدماء الشهداء
انوسل بكل/ ثائر مقاوم
بالحاج رضوان/ والحاج قاسم
يمهدي/ يمن ذكرك عباده
يمهدي/ ويملهمني الاراده
يمهدي/ اليّه اكتب شهاده/ على خط القياده/ تكون اعظم سعاده/ يمهدي
انتظارك عمل / بخلاص وايمان
لانك تحب / إحياء الانسان
روح روح تتسامى للمعالي
----------------------------------------
شمسك دفا الارواح من خلف السحاب
وفضلك يوصلنا رغم هذا الغياب
في العَهْدً وفي الندبه دعائي مو عتاب
لكن كلام اليفدي نعلك والتراب
بكل جمعه ذكرك/ يفتح صباحي
بلسم يداوي/ نزفي وجراحي
يمهدي/ رضاك احلى الأماني
يمهدي/ ترى بغيره أعاني
يمهدي/ اعد كل الثواني/ ويعذبني زماني/ بسهم بعدك رماني/ يمهدي
قميصك نشر / في الكون عطره
اگترب للفرج / يوسف الزهره
عاد عاد مثل النجم يلالي
____________________
للإشتراك في القناة على الرابط التالي
http://l.bayat.me/malsayedazeinab-sub
الحسابات الرسمية لموكب السيدة زينب (عليها السلام)
http://l.bayat.me/mawkebalsayedazeinab
