ميزان الكون | استشهاد الإمام علي عليه السلام 1444 هـ
قصيدة ميزان الكون 1444 هـ
لذكرى استشهاد الإمام علي عليه السلام
كلمات: الشاعر أحمد النجيدي
مشاركة نخبه من الرواديد
الرادود حسين العوامي
الرادود عبدالعزيز الخاتم
الرادود حسن الكويتي
الهندسه الصوتيه والتوزيع: محمد بوجباره
كورال:
الرادود رضا سعيد
الرادود حسين العوامي
الحان: الشاعر قصي المؤمن
إخراج: علي حسين الشافعي
الرعاية الإعلامية:
شبكة صوتيات ومرئيات الشيعة
كلمات القصيدة:
موتك بقى حيره
وين ألقى تفسيره
جنت أنت ميزان الكون
بعدك بقى بويه اشلون
وين القى تفسيره
يا شمعة عيوني، من غمض اعيونك
وعن وجهك الزاهي، منهو الخطف لونك
يا صَاحب الكَوثر، بشنهو يغسلونك
يالصدره حوى الكون، بيا قاع يدفنونك
أبجي لك وأنعى
وتسبقني الدمعة
يابو الضحى والماعون
بعدك يتامى يضيعون
وين ألقى تفسيره
لو مر عليه العيد، شلون ابتهج وافرح
واصوابك ابروحي، ينزف دمى ويجرح
رحت اوبقت ذكراك، بخيالي ماتبرح
معذورة لو عمري، كله أظل أترح
ريضولي ريضولي
بالغالي ريضولي
وي والدي عندي اعتاب
أرد أحضنه واقرا امصاب
وين ألقى تفسيره
أظلم عليه الكون، وكل شي انطفى نوره
زينب تظل بعدك، بالذكرى مكسورة
حتى الهوا بفرقاك، نسماته مقهورة
بعدك يبو الحسنين، وين ألقى لك صورة
راسي فدا لراسك
بس رجع أنفاسك
جنت أرتجي بيك اظنون
شلون ابحفيرة مدفون
وين ألقى تفسيره
---------------------------------------------
يا ريحة الزهرا، موتك حفر قبري
أجلس يداحي الباب، وامسح على صدري
بعدك من الأيام، بينا العجب يجري
ارجع لي بويه وشوف، بيَّه اشعمل دهري
اعلى المجتبى ويلي
والظامي هد حيلي
بعدك سبيَّة واظعون
متزرقة منها المتون
وين ألقى تفسيره
