منهو الفتح من خيبر حصنهه فاروق الديانه المرحوم الحاج حمزه الزغير
#جميع_الحقوق_محفوظه_لقناة_ابو_تراب_الحسيني
قصيدة منهو الفتح من خيبر حصنهه بصوت الرادود الحاج حمزه الزغير وللشاعر المرحوم كاظم منظور الكربلائي
هذه كلمات القصيده
منهو الفتح من خيبر حصنهه هاك اسمع بيانه
او ركز رايـة الدين سيف المله والدين فاروق الديانه
**********************************
راية الإسلام بيمن علت واتوسع مداها
ابقوة الساعد البيها خضها للباب اودحاها
ماهي قوة بشرلا شك لون يتكشف غطاها
صـد ابصيره وابصر بتاريخك او عيد النظر
يالتاليه ابغبة بحر اطلب النفسك نجاها
دنيـه او آخره لا تظل ضايع وابدرب العدل سمحه الشرايع
هاك اسمع بيانه
وانهج نهج أبـو حسين سيف المله والدين
فاروق الديانه
منهو الفتح من خيبر حصنهه هاك اسمع بيانه
او ركز رايـة الدين سيف المله والدين فاروق الديانه
*************************************
واعتبر يوم الأحزاب أو شوف شوس الكون راغت
من عبر (عمربن ود ) الخندگ الأبصار زاعت
والگلوب إمن الحناجر دنت والأفكار تاهت
العمر بن ود منهو النزل واصرعه بميدان الأجل
حي على خير العمل الملك والإسلام صاحت
اوجـاب الراس للهادي ايتبختر حيدر والنعم لوگلت حيدر
هاك اسمع بيانه
جـزار الفراعين سيف المله والدين فاروق الديانه
منهو الفتح من خيبر حصنهه هاك اسمع بيانه
او ركز رايـة الدين سيف المله والدين فاروق الديانه
*****************************
وابخطر غزوة الدار إظهرت للكرار آيه
من عكب طلحة تصدق تسعه تتلاگف الرايه
ويه ما ياخذ الرايه من علي إتصكه المنايه
وخله الرجـال إمطرحه والخيل شاة إو ممرحه
راواهم إنجوم الضحه حيدر اوبيه الكفايه
حيدر گطع إمتـون الفراسه حيدر شيد الدينك أساسه
هاك اسمع بيانه
والطـاعن إبرمحين سيف المله والدين فاروق الديانه
منهو الفتح من خيبر حصنهه هاك اسمع بيانه
او ركز رايـة الدين سيف المله والدين فاروق الديانه
****************************
وعلى أركان الكعبه لمن صار للأصنام مشهد
إنسدت أبواب العباده او مابگه لله معبد
إتأيد ابنصر العزيز اومن فتح مكه محمد
إتسنم على امتون النبي حيدر ابمرسوم الوحـي
والهبل إلمن يلتجي لو شمل گومه تبدد
الكعبه إتطهرت بوجود ابنها من الجاهلية ومن وثنها
هاك اسمع بيانه
اوشد عـزم المسلمين سيف المله والدين فاروق الديانه
منهو الفتح من خيبر حصنهه هاك اسمع بيانه
او ركز رايـة الدين سيف المله والدين فاروق الديانه
*********************************
وبأحد ظهرت معاجز حيدر وصدقت جهده
من ضعف جيش الإسلام أوخلو المختار وحده
وصاح يابا الغوث أغثني ولن علي سياف عنده
جبريل أعلن بالسمه نعم الفتى حامي الحمه
ولا صـارم إلا صارمه او فگّس اعيون التضده
حيدر ماگصر عزمه وجهاده يطلب دون ابن عمه الشهاده
هاك اسمع بيانه
والجاهد إبسيفين سيف المله والدين فاروق الديانه
منهو الفتح من خيبر حصنهه هاك اسمع بيانه
او ركز رايـة الدين سيف المله والدين فاروق الديانه
********************************
حيدر الهالدين ركز رايته إبشدة الساعد
او من سماء الغضب ينزل ثاقب او يحرج المارد
هاك اخذ حرب السلاسل لو ردت ياصاح شاهد
وين اليضاهي حيدره خله ايتبصر ناظره
بأمره ويحاسب ضامره إوينصف ابكـل الموارد
لوچان إلضمير ايحاسبونه چانوا للأمير إيشاهدونه
هاك اسمع بيانه
فارس بدر وحنين سيف المله والدين فاروق الديانه
منهو الفتح من خيبر حصنهه هاك اسمع بيانه
او ركز رايـة الدين سيف المله والدين فاروق الديانه
* * *
