من شاف طفلة؟ | الشيخ حسين الأكرف | ليلة 20 صفر 1445هـ

[ من شاف طفلة؟ ]

للإستماع على المنصات الصوتية على الرابط التالي
http://l.bayat.me/YDTmfwJB

الشيخ حسين الأكرف
كلمات: عبد الله القرمزي

ليلة 20 صفر 1445هـ
المخيم الحسيني - كربلاء المقدسة
الهندسة الصوتية: حسن مرهون
توزيع المقدمة: حسن سيروز
مونتاج: محمد عبد الكريم
__________________
من شاف طفله جمال احسين بيها
من شاف طفله أثر قيد ابإيديها
من شاف طفله يدليني عليها


+++

خلف الخيم صوب النهر ما أدري والله شوفوا ويّايه
ظني غفت وعني اختفت وچانت إهنا تفرش امصلايه

كل دمعه منها اعلى الوجن تكتب حسيناه
وآنا اويا خويه اتواعدِت أحفظ يتاماه
طفله وجراح چنها الصباح
مو ظاميه الماي النهر لحسين وملقاه


لطفال بعد الدلال امسلبيها
من قال شفت اليتيمة التقصديها
من شاف طفله يدليني عليها


+++

يمكن لقت ماي وبقت تسأل عن الوافي اللي واعدها
وين النسا ابهذا المسا وين اليساعدني ويساعدها

چانت معايه ولحظه لن غابت يهالناس
فقد الطفوله اشقد صعب وايشيب الراس

هالطفله وين عند الحسين
شوفوها يمكن ضايعه يم جسد عباس

ليكون راحت اتدور عن وليها
متهون هذي اللي وصى احسين بيها
من شاف طفله يدليني عليها


+++


ابراس الأبو ابجنح اليتم طارت ولا أقدر أصبرها
والكربلا بالعايله جيت اويا راس احسين أدوّرها

مشهد يشيّب كل نبي وكل قلب صبّار
والنار إذا يوم انطفت شيطفّي هالنار

راس و قطيع منظر فضيع واتشوفه طفله اميتّمه هذا الذي صار

أيوب ما شاف هالشافت بيديها
أيوب يسأل عن الصبر اللي بيها
من شاف طفله يدليني عليها


+++

يمكن إجت مشّايه له سِألوا عن الطفله يمشايه
يمكن لقت راس الابو في صورة مرسومة على الراية

فتشوا مضايفكم إذا طبّت يتيمة
يمكن غفت هالضايعه بظلال خيمة

يمكن يليل صادفها خيل
واتذكرت في كربلا صوت الظليمه

معقول محد لقاها وعطف بيها
ويّاه ياخذها للوالد بيديها
من شاف طفله يدليني عليها


+++

خوف الولي ينظر إِلِي ويسألني عنها بكربلا راسه
وأعرف أنا معنى الضنىٰ وهذي الصغيره التملك احساسه

خوفي أبو فاضل إذا شفته بلا ايدين
يسالني يا طود الصبر بنت الأخو وين

هذي الدوا العيني ضوا
وكل الحوايج تنقضي يم طفلة احسين

حاجات مقضيه للقاصد إليها
لليوم ما صدق إنّ الموت ايجيها
من شاف طفله يدليني عليها
__________________

الموقع الرسمي
http://husseinalakraf.com/

__________________

تابعونا عبر وسائل التواصل:
الانستغرام: https://www.instagram.com/alakraf_ofc/
الفيس بوك: https://www.facebook.com/alakraf.ofc/
الساوند كلاود: https://soundcloud.com/alakraf_ofc
تويتر: https://twitter.com/alakraf_ofc

__________________




#الشيخ_حسين_الأكرف