مسلم تعناها | الرادود محمد الحجيرات

ليلة 5 محرم 1439هــ
أداء : الحاج محمد الحجيرات
كلمات الشاعر : مهدي بارون
في حسينية الرسول الأعظم -الكربلائية-
بدولة الكويت


مسلم تعناها
عاش اُو مات يتباها
بالكوفه علّاها
وظلت راية حسين

ويصيح .. حين اعلن قراره
ويصيح .. من قصْر الاماره
بس حسين امير
****


لليوم والرايه التفاخر بيها
لحد السماء السابعه امعلّيها
الْشايل ثقه امن احسين ما ينطيها
شْظنهم اُميّه يساومون اعليها

ما تنبري الذمه
ما ينباع ابو اليمه
من ينسفك دمه
يعني اموفّي بالدين

بالموت .. يبقى اعله اختياره
ويصيح .. من قصْر الاماره
بس حسين امير
****


محد تجرّأ عالعدو بچلمة لا
وباعت ذممها بمال و شويّة جاه
مسلم وحيد و ما تغيّر مسراه
ما هالدرب يستوحشه ، الحق اوياه

ولخاطر السيره
ماحس لحظه بالحيره
من صعدت الغيره
ما گال المفر وين

وهناك .. ماحس بانكساره
ويصيح .. من قصْر الاماره
بس حسين امير
****


ما اعتقد احّد يموت بجوعه
إلناس مختاره تظل مخدوعه
هالدنيا موقف ، هاك اخذ موضوعه
غربِل الكوفه والتظل بس طوعه

گالت تلگّيته
فدوه لكل اهل بيته
ما ينّكر صيته
مسلم والله نعمين

والعين .. صارت هيّه داره
ويصيح .. من قصْر الاماره
بس حسين امير
****


صح الشجاعه تنغلب بالكثره
بس مسلم المفهوم هذا امغيْره
و العمّه حيدر وبجلالة قدره
خاطر تفوز اعليه كُون اتغدره

وبسيفه من يغضب
كلها اتدور المهرب
لو هم يجي مرحب
هم ايشطره نصين

بالسيف .. يعلن انتصاره
ويصيح .. من قصْر الاماره
بس حسين امير
****


طاح بغدرهم مو لأنهم اشجع
متگيّد وما يقبل إلهم يخضع
گباله الاجل ويصلي لله ويركع
مسلم المثله اعليه يسوى المدمع

من جثْته شمروها
ظنّوو قصْته ينهوها
اجيال يرووها
تبقى ابمر إلسنين

ذكراه .. بلسان الغياره
ويصيح .. من قصْر الاماره
بس حسين امير
****


كل جور لابد ينتهي طاريّه
و راحت الما تعرف شنو الحريّه
والكوفه ذيچ اتغيّرت مو هيّه
صارت ترى طول بعرض شيعيّه

مسلم اذا تشوفه
وتنظر مسجد الكوفه
من توصل اتطوفه
ينسر خاطر العين

يدرون .. راح ايظل شعاره
ويصيح .. من قصْر الاماره
بس حسين امير
****

الحسابات الرسمية للحاج محمد الحجيرات

Facebook :
https://www.facebook.com/alhojairat

Twitter :
https://twitter.com/alhujairat

Youtube :
https://www.youtube.com/user/alhojairatclips

SoundCloud :
https://soundcloud.com/alhojairat

instagram :
https://www.instagram.com/alhojairat