ماكو راحة | الشيخ حسين الأكرف
[ ماكو راحة ]
الشيخ حسين الأكرف
كلمات: علي محسن الزيادي
يوم 20 صفر 1443
فندق در قصر الكاظمية - كربلاء المقدسة
الهندسة الصوتية: حسن مرهون
__________________
الموقع الرسمي
http://husseinalakraf.com/
للإستماع على المنصات الصوتية على الرابط التالي:
http://l.bayat.me/EIOSwfb1
__________________
تابعونا عبر وسائل التواصل:
الانستغرام: https://www.instagram.com/alakraf_ofc/
الفيس بوك: https://www.facebook.com/alakraf.ofc/
الساوند كلاود: https://soundcloud.com/alakraf_ofc
تويتر: https://twitter.com/alakraf_ofc
__________________
ماكو راحه اشخله بالعيله السبي
ماكو راحه امترّبه اوجوه وعبي
وزينب امجتفين اديــــها
وراس اخوها يصد عليها
ــــــــــــــــــ ـــــــــــــ
شلون جانت لمه حلوه وطشروها
ام تداري اوليدها وبت اويه ابوها
الشايف الجثه السليبه الگطعوها
بگلبه تلگاهن اجروحه لماهن
وصوته دمعه
ينحني اخياله ويحس خيّاله
فوگ ضلعه
الداسه حافر دوم خل ينسه الدوه
الداسه حافر ايلجمه اذا هب الهوه
وزينب اكثر صار بيها
راس اخوها يصد عليها
ــــــــــــــــــ ـــــــــــــ
الجان ابو فاضل گبل لو مَر عليها
ينسه روحه العالي راسه يدنگه ليها
شلون اصدگ شدو احبال بأديها
مخدرة حيدر بالحبل تنجر
من يصدّگ
بين صوت ايسِب وذاك اليسلّب
وذاك يحرگ
شلون صعدن والكفيل ابلا متن
شلون صعدن وينذبح صوته اليون
الينضرب يلتفت ليها
وراس اخوها يصد عليها
ــــــــــــــــــ ـــــــــــــ
السوط ماخله بجبير العايله امتون
جا رقيه الورده حملت طگهم شلون
الخوف والدخان ماخله ابوجه لون
المرتعب يصفَر. الطفل وجهه احمر
ليش زينب
اتگول هذا الدم وجه المْيتّــــــم
بي تخضب
دم اخوها صابغ اوجوه وجفوف
دم اخوها حتى بالحافر تشوف
دم احس حتى بحجيها
وراس اخوها يصد عليها
ــــــــــــــــــ ـــــــــــــ
شويه خل ارتاح اذا طفله تگلهم
بالسياط اعليها يلتمون كلهم
اتودي دمعه الروس اهلها وتشتكي الهم
الدمعه اذا تحجي الروس دم تبجي
الدرب كله
عطش جوع وخوف السوط ظل ايطوف
طفله طفله
اتمدله اديها التجري دم امن الحبل
اتمدله اديها زينب اتگول احتــــمل
يشد حيله ويعتنيـــــــها
وراس اخوها يصد عليها
ــــــــــــــــــ ـــــــــــــ
الراحه ويه حسين والعباس راحت
زينب اويه اخوتها لوميته استراحت
نوگ هزله وتعثر وجم طفله طاحت
تتعب الايتام عالنياگ تنام
وتفز ترجف
زينب اتگلهم اسم الله واتضمهم
وهيه تنزف
بالخرابه جرح يتعنه الجرح
بالخرابه اتعاتب اخت المنذبح
سكته تگعد يم وليها
وراس اخوها يصد عليها
#الشيخ_حسين_الأكرف
