ماعندي غيرك | محمد الخياط محرم 1445 هـ
أحسب ثواني .. طـول السنه .. لزيارتـــك .. يا سيّـدي
كـلـمـا أجيلك .. مـــا أكتـفـي .. شوگي إلك .. رد يبتدي
إذا طــال البُعــــد يكـثـر نحـــيـبـي
أريد أگضي العمر يمّـك حــبـيـبـي
ابصلاتي أدعي ربّي يا مُجــيـبـي
زيارة سـيّــــــدي خلـها نصـيـبـي
بفراگــــك أحـمـل جروح
يوصلنــي عطرك يفــوح
وفكري الضريحك يـروح
إذنــــــــــك أتــاني حُــسين
دوم ابلــــــــــساني حُــسين
كلشـــــي ابزماني حُــسين
مـا تغفى عينـي .. دوم ابسهر .. مـن ألتفت .. طـيفـــك يمر
من أذكر إسمك .. گلبي ايخفگ .. والشوفتك .. كــلّي جمر
ابخيالــي زرتـــك وملنـي خــــيالي
أريد ابواقعــــــــي أوصل يغــــالي
أجيك وبالوكـــــــت لا ما أبــــــالي
وعلى بابك أظـل واسجـد ليــــــالي
وابصحنك أرفـع عــويل
وادموعـــي يمّك تســـيل
ومنّــــي همومي تــــزيل
وأوّل كـــــــلامي حُــسين
مشـــتاگ إجــيتك حُــسين
مـا عنـدي غيرك حُــسين
ابشعـان أزورك .. بعـد رجــب .. وابْعَـــــرَفـــه .. طول العمر
واحييـــها يمّـك .. ليلة قــــــدر .. بيـــــك أبتدي .. عيــد الفطر
وليالـي امحــرّمــــك موسم بكـائــي
وردائـــي بـــس إلك أســود ردائـــي
أنوح ابعاشـــــــرك وانصب عزائــي
حُسيـــناً وا حُسيــن ايـظـــل ندائـــي
واصرخ إمامي غـريب
ساترنـي وهـوه سلــيب
محبوبـي وجهه تريــب
أبچي المصابك حُــسين
ألّمنــــــي حالك حُــسين
ما أنسـى يومك حُــسين
وابأربعــــــينك .. روحي ضعن .. تحدي وتجي.. طف كربله
ابزوّارك ألـتـم .. مــا ننحصـي .. مـــدّ النّظـر .. نطوي الفله
نجـــــي مشّايــــه وابأكبر مـسـيــره
وجهنه الحضرتــــك كلنه نـــديــره
خطانــــه البابــــك ابلهفه چـبــيــره
زيارة الأربعـيـن أعظـــم شعــيــره
واحنه ابمقامك نطــوف
ألــــوف وتتبع ألــــوف
نبچي ونمـدلك چفــوف
لـبّـيـــكَ نهتف حُــسين
كلنــــه فدائــك حُــسين
تجري ابدمـانه حُــسين
___________________________________
الحسابات الرسمية للميرزا #محمد_الخياط
انستغرام | Instagram
https://instagram.com/mohammad_alkhayyat
ساوند كلاود | soundcloud
https://soundcloud.com/mohammadalkhayat
