ماريد اطب للشام - الشيخ ميثم التمار - فاطمة - مصطفى الاعاجيبي - (حصرياً) | محرم 1442هـ - 2020 مـ
اشترك في القناة الرسمية لسماحة الشيخ ميثم التمار :
https://bit.ly/2puKK1v
ماريد اطب للشام - الشيخ ميثم التمار - فاطمة - مصطفى الاعاجيبي - (حصرياً) | محرم 1442هـ - 2020 مـ
Maytham Al Tammar - Maryd Atb Llshsham (EXCLUSIVE) | 2020
الحان : الشيخ ميثم التمار
كلمات : عباس الغزي
توزيع : محمد الغراوي
م. صوت : سلام احمد
اخراج : احمد خضير
كلمات القصيدة :
ماريد أطب للشام مو هذا دربي
والحادي جاب النوگ ويگلي اركبي
ماترحم الناس
وينك يعباس
------------------------
خويه ياعباس تدري عمرك بعمري أنظفر
لحظه متفارك خيالي تارس أعيوني صور
الليل مامرني بظلامه يدري خاويت الگمر
بالعطش مافكّر آنه
امنين ماصدلك نهر
يمّي العطاشى اتلوع وأبولية أعداي
ماتدري بيّه أشصار من جابوا الماي
مخنوگة الأنفاس
وينك يعباس
------------------------
أنكسر ظهر الخوة بعدك والوفه ركنه أنهدم
وتيّهت شوفي ونسيته من حچولي أعلى السهم
روحي محترگة بجمرها أتضامنت وي الخيم
آه ياصوت الشماتة وينّه شيّال العلم
واحد ابضحكة ايصيح ويبشر الجنود
طاح البطل عباس وي طيحة الجود
فرحانة الأرجاس
وينك يعباس
------------------------
أمنّوا من طحت صاحوا بعد ماظل شي صعب
أخو زينب عاف زينب فاگدة بديرة غرب
اتنطّرت چفك يجيني ينشّف أدموعي التصب
الشلع ترچية رقية
شلع من عندي الگلب
وين انطي وجهي أوّين چانت هالايام
من كل كتر دنياي ترميني بسهام
وايتامي تنداس
وينك يعباس
------------------------
حرب بيها العاش يخسر
ينجه بس الينذبح
والخطاه سيف المناية
عمره يتحّول جرح
متت چم مرة وأصيحن
خوتك ماظن تصح
من شفت راسي ابمچانه
وانت راسك عالرمح
ميّت وراسك حار شيبرّده دمّك
عدوانك يدنگّون بس احچي بسمك
بيك ارفع الراس
وينك يعباس
------------------------
امچتّفه وعيوني يجرن بيش أنشّف دمعتي
وضاگت الوسعة عليّه
وحيل كبرت حسرتي
والعليل اعيونه تحچي
ربي صبّر عمتّي
والحبل مافارگانه
من رگبته الرگبتي
طبيّنه غربة الشام مابيه گرابة
شيسّكت الأيتام ظلمة الخرابة
تصرخ بالأحساس
وينك يعباس
#ماريد_اطب_للشام
#ميثم_التمار
MAYTHAM Al TAMMAR . All rights reserved ©️
الحسابات الرسمية لسماحة الشيخ ميثم التمار
ـــــــــــــ
Official Instagram: http://instagram.com/sh.maythamaltammar
Official Youtube : https://youtube.com/tammar31
Official Twitter : https://twitter.com/mt_altammar?s=09 فيس بوك
https://www.facebook.com/fanz.altammar/
