لو يرجع الراح | الشيخ حسين الأكرف | الليلة السابعة محرم 1446هـــ

[ لو يرجع الراح ]

🔹أداء :
الشيخ حسين الأكرف

🔹كلمات الشاعر:
بشار العبادي

🔹إنتاج :
موكب السيدة زينب

__________________

لويرجع الراح ويمي انته موجود
من ماي العيون اترسلك الجود
من يوصل احدود الخيم
ويرفرف بجفك علم
ويمي انته موجود
---------------
يالتذبح افكار العده لو فكرو بخيامي
ومن تغمض عيوني حرس توكف اباب احلامي
يالتفكس اعيون الارض لوضل اثر لجدامي
يلي تمد جفك نهر لو طفل كلك ضامي

لو طفله تنخاك. تگلها تأمرين
يالكلمتك صار لعيال الحسين
جبت العمر كلمة نعم
ويرفرف بجفك علم
ويمي انته موجود
---------------
لو ما ابو الاكبر يرد ويكلي طايح عفته
عباس جاا هذا الخبر كل عمري ماصدكته
وصدكت جفك منكطع بيدي الحبل من شفته
يالجنت تتنفس خيم دخانها اتنفسته

لو انته موجود من يحرگ خيام
ياخويه عباس. من يضرب ايتام
وجاا گلت كل هذا وهم
ويرفرف بجفك علم
ويمي انته موجود
---------------
رديتلي راس برمح لمن كلتلك وينك
واعرفت جودك بي سهم من شفت نبله بعينك
كل هذا وترد تعتذر وامغطه دم اجبينك
يا سالفة حيدر علي وشاهدها جان ايمينك

من خله يمناك خويه عله يمناي
وكال انته كفال وام الخدر هاي
وكتلي الخدر افديله دم
ويرفرف بجفك علم
ويمي انته موجود
---------------
بعيونك النبله ودمه يالماشفتني شلوني
اتمنيت تنطيني السهم وانطيك شوف عيوني
جا شاهدتني اعله الهزل وشمر وزجر يحدوني
ولو سوطهم يضرب طفل عنه تشكفه امتوني

يابن علي اشلون لو تكدر اتشوف
بجفوفي الحبال وما عندك اجفوف
يالعينك انصابت سهم
ويرفرف بجفك علم
ويمي انته موجود
---------------
لا مو اميرة وبت علي اسمي الغريبه اتبدل
وخمسين عام انه اكبرت لمن صعدت اعله التل
وحسين مارد وكلت ياربي مني اتقبل
والتل صبح منبر الي لمن قريت المقتل

لو حاضر حسين من ناده عباس
ما تهمجم الخيل. لا صدره ينداس
ولا ضلع منن عنده انشهم
ويرفرف بجفك علم
ويمي انته موجود

بشار العبادي

__________________
تابعونا عبر وسائل التواصل:
https://www.instagram.com/alakraf_ofc
https://www.tiktok.com/@alakraf_ofc
https://www.facebook.com/alakraf.ofc
https://on.soundcloud.com/5P7y17W4WC64aMsz5
__________________
الموقع الرسمي
http://husseinalakraf.com/
__________________
#الشيخ_حسين_الأكرف