كاسرني | محمد الجنامي | محرم 1446 هـ - 2024 | kasirni
قصيدة #كاسرني
▪️اداء: الرادود #محمد_الجنامي
▪️كلمات: الشاعر ميرزا عادل أشكناني
▪️اشراف: سجاد طه
▪️اخراج: مهران علوي
▪️انتاج: شبكة #سماوات
#محرم_1446
-------------------------------------------------------------------------------------------------
كاسـرني مصابـك كـسـر امرايه
يذبحك سيف و تذبحني حچايه
مطلـوب ادموع عليـك اهـوايه اهوايه
و أبچـیـلـك قـضـه
عن دهري المـضـه
ـــــــــــــــــــــــــــــــــــــــــــــــــــ
يمولاي الحزن اكبر من اِحچايه بقصيده
قديـم مصابك و بيـه جديد شمـا اعيده
النـاس تدوّر عالراحه و راحـة بالي بـهـذا النـوح
آنه الطيـن بلا روح و ذكــرك ينـفـخ بـيـه الـروح
مثل امرايه المكسوره أجرح غيري او كلّي جروح
عـايـش مـذبـوح
ما أقـنـع من يحـرقني صـوابـك
كـون أحـرق غيري بنار مصابـك
و ابچي لكل سهم اتعده اطنابك و صابـك
و اترس هالفضـه
عن دهري المضه
ــــــــــــــــــــــــــــــــــــــــــــــــــــــ
أمانة خدمتك كلفه و عِجَز يحملها چتفي
أعيش سنيني مـديونـك أنـوح و ما اوفـي
ما تكفي دموعي و ربك بس خالقلي عيـون اثنين
و ما يوفـي مصابك لو يتحـوَّل كل العالـم عـيـن
شبچیلك و انت اعليـك الزهـره تلطـم عالخدّين
عـذراً يا حسين
يا حـزنـي البيـه نسيـت احـزاني
و يا وِردي الما طـاح من الساني
وحـدك إنت و ماكـو بوجــداني ثـانـي
قـلـبي اتعـوِّضــه
عن دهري المضه
________
يطِيب البالبدن جرحه و أنا جرحي بشعوري
القطع منـك نحـر منـي قطع منحَر سروري
مدنّگ راسي من ابچيلك و استغفر جرحَك مولاي
أتـهـنـا بــزاد و مــاي و إنــت بـ لا زاد و لا مــايْ
يالماِلك كلشي انا اگـبـالـك مـا أملـك بس هاي
دمعـة عينـاي
لا طــعـم و لا لــون لأيـــامــي
بس لون الدنيـا بعيـن الظامـي
مغمّض عيني و شفتك جدّامي .. دامـي
لهسَّـه امغمّـضـه
عن دهري المضه
-------------------------------------------------------------------------------------------------
يرجى الاشتراك وتفعيل الجرس لكي يصلك كل ماهو جديد 🔔
https://bit.ly/3kdsPt2
لا تنسوا متابعتنا في منصات التواصل الاجتماعي 👇
telegram: https://t.me/samawatmedia
Facebook: https://www.facebook.com/samawatnetwork
Instagram: https://www.instagram.com/samawatmedia
