قصيدة انصار | الرادود محمد الجنامي | محرم 1446 هـ
قصيدة #أنصار
أداء: الرادود #محمد_الجنامي
كلمات: السيد عبد الخالق المحنه
إخراج: مهران علوي
إشراف: سجاد طه
إنتاج: شبكة #سماوات
#محرم_1446
-----------------------------------------------------------------------------------------
00:00 انصار
2:39 يا ليل فجرك وـن
4:15 يا ليوث فـزعه نريـد
5:21 يا بنت حيدر
6:23 للموت ركضه نروح
-----------------------------------------------------------------------------------------
سوالف و ابتسامه و سيف والأنـصــار منتـظـره
كأن باچر عرس مو مـوت والـعـاشـق نفـذ صبره
منو يلبس درع يحمـيـه و منهو الينكشف صدره
منـو أول يمــوت يـريـد مـنـهو اليكــرم بنـحـره
ركضه على المنايه تصير شـرط لا وقعـه لا عثره
ها خوتي اليطيح يصيـح عليهـم والعـمـر مـرّه
كل واحـد بده بهـوســه و نظرات الأسـد خطره
علينه الليل شــو طــوّل و بقينــه ننتظـر فجره
………….
يا ليـل فجــرك ويــن وانريـد نوفي الـدين
للغالي انضحي الغالي
مسموع حچي السيف والمـوت باچـر كيـف
ما ينـذل راس العـالي
باچـر نتصـدر بالأوّل و احـنـه الوفــايه
وانصيح الوادم لو باعت احنـه الشرايه
انصار انصار انصار
-----------
بخجل زينب اجت تسأل و مدامعها تصب
يبـو الأكـبــر كبـر خـوفي و انا ابديرة غـرب
تره اصحـابك يخي قلّـه و تره باچـر صعب
منـو يرجــع منـو يثبـت اذا صــارت حرب
من سمعوا اصحاب الغيره شبت بيهم نار
مابينه اليخلف بالموعـد لا بينــه الينــدار
شيخ الأنصار و قائـدهـم حشَّــم يالأنصار
يا ليوث فـزعـه نريـد حـفّــاي ايـد بإيـد
نـروح الخـيـمـة زيـنـب
و انصيح كلنا بصـوت انصار حتى المـوت
كل واحد سيف مجـرب
يم خيمـة زينب نتجمع و انشيل الرايه
و انصيح الوادم لو باعت احنه الشرايه
انصار انصار انصار
-----------
يا بنت حيدر وحق حيدر و لا عنـكـم نـزل
عسن متنـه و توذّرنــه و لا دمـعـچ يهـل
فـده تـرابچ لون صارت الـف مـره چـتـل
منو يگرب على خيامچ و ابـن ظاهـر عدل
اي والكرار و ضلع امچ حبكم رفعة راس
باچر نگلبها بعـون الله و يتبـسـم عباس
رايتنه ترفرف بالعـالي و رايتهـم تنداس
للموت ركضه نروح سبعين سيف يلوح
ندوس ارگاب عدانه
و انصول ظلمة ليل والخيل فوگ الخيل
نجيب الموت ويانه
دون اخيامچ ساتر غيره و انطينه احچايه
و انصيـح الوادم لو باعـت احنه الشرايه
انصار انصار انصار
-----------------------------------------------------------------------------------------
يرجى الاشتراك وتفعيل الجرس لكي يصلك كل ماهو جديد 🔔
https://bit.ly/3kdsPt2
لا تنسوا متابعتنا في منصات التواصل الاجتماعي 👇
telegram: https://t.me/samawatmedia
Facebook: https://www.facebook.com/samawatnetwork
Instagram: https://www.instagram.com/samawatmedia
