عباس ابن حيدر | أحمد الباوي 1444 هـ

قصيدة عباس ابن حيدر
الملا أحمد الباوي
الشاعر ميرزا عادل أشكناني

ليلة 4 من محرم الحرام 1444 هـ
حسينية أبي الفضل العباس (عليه السلام ) - الصفار
دولة الكويت

كلمات القصيدة :

عباس إبن حيدر عـلي
ـــــــــــــــــــــــــــــــــــــــــــــــــــــــــــــــــــــــــــ
من الخيمه بِنْتِ الوديعه الزچـيَّه
اِطلَعَـتْ وِ الدُمُـوع اعْله خَدْهَا جـريَّه
اوگُفَتْ يمَّ اخوها ابحِدُودِ الثِـنِـيَّه
تِگلَّه نَخِيتك بِنَخْوَه اعْرُبِـيَّه

يا كافِلي او عِينَة هَـلي
عبّـــاس إبن حيدر عـلي
ـــــــــــــــــــــــــــــــــــــــــــــــــــــــــــــــــــــــــــ

يخُويه الگلبْ يِـسْـتِـعِـر مِن لَهِـيـبه
و اظنِّ الطلب مو صَعَب تستِجيبه
تروح الشريعه يِكبْشِ الكتيـبه
النهر من أساسه تشِلْعَه او تِجيـبه

جاوَبْهـا يخْـتي اِتْــدَلِّلي
عبّـــاس إبن حيدر عـلي
ـــــــــــــــــــــــــــــــــــــــــــــــــــــــــــــــــــــــــــ


نِظَرها او بِدَتْ مِن ثَغَـرْهَـا البَـشاشه
او گلبها ابأخوها ابْـتِـشـر بنْتِعاشه
عطشنه او تظلِّ إنته ساقي العُطاشه
تگصِّر معانه يبـو الغيره حاشه

إي و النّعِـم يا كــافِلي
عبّـــاس إبن حيدر عـلي
ـــــــــــــــــــــــــــــــــــــــــــــــــــــــــــــــــــــــــــ

مِثِلْ صاعِقه او نِزْلَتِ اعْـلـه العساكِـر
بِرز ثغره باسِم لچَن سيفه كاشِر
طِحَنْ بالجَمَاجِـم , نِثَر بالمناحِـر
أو فِرَش مِنْ جِثَثْهُم وَلِيمَة كواسِر

او گـلِّ للسِّـبَاع اِتْفَـضّلي
عبّـــاس إبن حيدر عـلي
ـــــــــــــــــــــــــــــــــــــــــــــــــــــــــــــــــــــــــــ
نزَل للمعاره او حُسامه ابْـيِـمِـيـنه
شبيه الغضنفَّر يِحامي عَرِيـنه
ابْغضب عِرْگه لاح اْو نُبَضْ مِن جِـبِـيـنه
ولا هَمْ بِلالاف اِلمْـحَـاوِطِــيـنـه

او صِمصامَه نار او تِـسطِلي
عبّـــاس إبن حيدر عـلي

ـــــــــــــــــــــــــــــــــــــــــــــــــــــــــــــــــــــــــــ
تِوَسَط جُيُوشِ الأعادي او تبختر
فقط تستمع حِسْ عِظَام اِتِّــكِـسَّـر
صرخ بيهم او صاح أنَا شِبْـلُ حَيْدَر
مثل عزْم ابوه العزِم بيه تكرَّر

عــزْم الصُميده الأوَّلي
عبّـــاس إبن حيدر . .


الحسابات الرسمية إلى الرادود الحسيني الحاج احمد الباوي
Instagram: https://www.instagram.com/albawimedia
Telegram: https://t.me/AhmadAlbawiMedia
Twitter: https://twitter.com/ahmad_bawi