طرف الوادي | يحيى عفارة 1443 هـ
قصيدة طرف الوادي - محرم 1443 هـ
الشاعر ميثاق الحمداني
الرادود يحيى عفارة
الهندسة الصوتية و التوزيع: محمد عليق
تصوير و مونتاج: ابواهيم حريري
مخطوطة الاستاذ: عبد الطويل
ادارة انتاج والاشراف العام:
الحج حسن حمدان
ايليا سعد
شكر خاص:
حسن حريري
ذولفقار طالب
Yehia Afara - يحيى عفارة
Facebook: https://www.facebook.com/al.radood.yehia.afara
Instagram: https://instagram.com/yehia.afara
Telegram: https://t.me/yehiaafara
كلمات القصيدة:
گلبه حيرني باحساسه الما ادري منين
ابعد وصوته يمر بيه يالغايب وين
اعثر ومن طرف الوادي يلزمني حسين
..............
بجرف الشاطي اكتبك
وأكتب والله احبك
الطفل الضاع يريد امه وانه بصغري اركض ليك
واضح حبي عليه
وصلت مرحله بيه
يگولون حسين نحبه واسمع وابدي اغار اعليك
ابني بثوبي خيامك
اقره بقصص الامك
واهجر كل قصه لغيرك واگصد ناس تسولف بيك
احساسك اهوى جبرني
هاي النسمه تُمرني
يگولون العالم نسمه وانه اگولن هاي إيديك
العشگ هوّ . امن اتچوه . بنار الامك
وابقى اتلوع . ما اطلع . من خيامك
هالگلب علمته
بلا عشگ ما ردته
والا تمليه انت
وحدك بگلبي يحسين وهاك الإحساس
گلبي ما يدخل بيه ثاني بس العباس
بگلبي بس هالحاله تشوفه يقبل بثنين
.......
حتى تدوم النعمه
مشكور اعله الخدمه
لا تطلعني من اخيامك طير انه ومكسور جناح
خادم وابقى انوحك
وسط عيوني جروحك
هواي جروحك يحسيني وهل تأذن تنطيني اجراح
عايش حتى اخدمك
وبكل ليله أكلمك
لو راحت هاي الخدمه احسب هذا الخادم راح
گالولي الهوا رسمه
ارسمتك يابو اليمه
مجرب الصورة ألبيها انته بكل خنگه اشتمها وارتاح
احچي وي رسمك . واقره اسمك . وبيك اتصور
هايم بروحك . وجروحك . يابو الاكبر
ما نسيت دموعك
وصوت كسر ضلوعك
ما اطفي شموعك
تناغمت وياك وگلبي لا ما ينساك
تبتسم اتبسم تبچي انه ابچي وياك
عيني مو للشوف احسبها للدمعه العين
....
حسين وگلبي بچالك
لا تحرمني وصالك
خلي يفارگني العالم لكن انت تضل وياي
بعمري افدي عيونك
ضلمه الدنيا بدونك
يحسين وبس هالخدمه التضويلي الدنيا بعيناي
كل عاشور ابچيلك
وبكل صفر امشيلك
كل عام وانه اوگفلك خادم يحسين ومشاي
لجلك ابقى اواصل
ولجل عيون ابو فاضل
مره امشي اويه المشايه ومره أوزع الهم ماي
زايرك قادم . والخادم . كل مشايه
جيتك بلهفي . وبچفي . شايل رايه
دمعتي تقبلها
وكلمتي سجلها
الخدمه مابدلها
من المهد يحسين لأخر يوم بدنياي
شايل الخدمه ولگبري اخذها اوياي
بصدري لو گلبين اختارك واعشك مرتين
