شكراً جزيلاً | يحيى عفارة 1444هـ

شكرا جزيلا
الرادود | يحيى عفارة
الشاعر | زيد الفحام
موكب انصار الحسين - الغازية
الليالي الفاطمية ١٤٤٤هـ

الحسابات الرسمية للرادود يحيى عفاره
Facebook: https://www.facebook.com/al.radood.yehia.afara
Instagram: https://instagram.com/yehia.afara
Telegram: https://t.me/yehiaafara

- مجموعة واتساب 1 : https://chat.whatsapp.com/EMxRJH8v6XI9ikAfgqjakw
- مجموعة واتساب 2 : https://chat.whatsapp.com/INJ1A0kTX4SFPXxFIJFnBe

—————————


شُكراً جزيلا يالخدمتوني
بهاي الليـالي ما نسيتوني
واجـب اجازيـكم
بالمحشر احميكم
شُكراً جزيلا يالخدمتوني
............

الليله يا اهـل المجــالس آنه الكم قادمـه
الليله جيت اشكر تعبكم آنه أمكم فاطمه
يالتعبتوا هـواي لجلي عندي الكم مكرمه
الجنة وشما بيها الكم هذه من رب السمه
حَـر وبرد أيّـامي عشتوها
هاي المجالس ما تركتوها
كل الوفه بيـــكم
بالمحشر احميكم
شُكراً جزيلا يالخدمتوني
............

بـالـروايــــات الثــــلاثـه حاضره اسمع وشوف
سجّلت كل دمعة طاحت سجّلت لطم الچفوف
صـوّرتــكم ونـتـوا گـومـه للطم محله الصفوف
ابـچـي والرادود يـقـــره روحي عالمنبـر تطوف
كلمن ذكرني بدمعه واسيته
وي قنبر اوّي فضّه خلّيتـــه
اعـرف اساميـكم
بالمحشر احميكم
شُكراً جزيلا يالخدمتوني
..................

بالليــالـي الفـاطميّـــــــة أشعر بظلعي اشتفه
ظلعـي بطّل مـن نـزيفــه بالمواســــاة اكتفـه
الله عـنــكـم راضي وآنـه والرسول المصطفه
صـوّرت يهـل المجــالـس آنـه كلـمـن موقفــه
اتـبــاها بيــكم وانتم احبــابي
مجلس لطمكم خفّف اصوابي
عاشت ايـاديــكم
بالمحشر احميكم
شُكراً جزيلا يالخدمتوني
.............

للكتب بسـمي قـصـيـدة وضّح عليّة اشجره
واجـب اتـشـكّـر جـهــوده بيـدي اوقّع دفتره
اسـم كـل رادود عنـــــدي سجّلـت كلـما قره
شگـد قره وبچّاني صوته هـذا واجب اشكره
كلمن لطم كلمن بچت عينه
اعتبره دَين وكون أرد دَينه
من خيري انطيكم
بالمحشــر احميكم
شُكراً جزيلا يالخدمتوني
................

بعد وبهالليله واجب همّي اشكر كل خطيب
الخطيب البچّه عيني هـذا من عنـدي قريب
فاطمه الزهره الزچيّـة بضعة الهادي الحبيب
كل طلب مقبول منّي ادعي والخالق مُجيب
الكم دعـيـت البـــاري ونطاني
الله استجاب وصرتوا جيراني
بالـكـوثـر ارويكم
بالمحشر احميكم
شُكراً جزيلا يالخدمتوني
..................

مو قليل مصـابـي لكن مو مثل خامس مصاب
مصاب ابوالأكبر يشيعه گلبي منّ جروحه ذاب
ضامي ويذبحون نحـره دامي ظلّ عله التـراب
عالـرمـح مـرفــوع راسه وسلّبـوا منّـه الثيـــاب
يهل المجالس ابچوا لمصابه
حسين الغريب وانتم احبابه
طابـت ليـاليــكم
بالمحشر احميكم
شُكراً جزيلا يالخدمتوني

__________________________________