شفتك ضريح | الشيخ حسين الأكرف | ليلة 20 صفر 1445هـ
[ شفتك ضريح ]
الشيخ حسين الأكرف
كلمات:
الفقرة الأولى: سيد علوي الغريفي
الفقرة الثانية و الثالثة و الرابعة: رضا درويش
ليلة 20 صفر 1445هـ
فندق در قصر الكاظمية - كربلاء المقدسة
الهندسة الصوتية: حسن مرهون
توزيع المقدمة: علي تراب
مونتاج: باقر الحلال
__________________
سافرِت عـنّـك جسد يابن أميّ اْو جيتك قـبـر
سافرت عنّك طـريح
وارجعِت شفتك ضريح
""""""""
من يقول إنّك بعيـد ؟
المسافة الفاصلة ما بيني وبينك "رمـح"
أحسب اجروحك وأعيـد
ضيّعت حسباتي.. وين أحسب ثلث ميّـة جـرح !
لا تسايل / عن جراحات السبيْ وعن باقي حزني
لا تسايل / بالدرب جـم شامـت ابعينه يخزني
ابلا فواصل / نمشي وابچتفي الحبل بالشدّ يحِزنـي
ظهري مايل / وبكعب رمحه الشمر خويه وَخزنـي
اعلى المشي ما أحتمِل
وتدري خويه شقد ثقيلـة مشيـة الـ بيـده حـبـل
ساعة اركوب الهِـزل
ألتفت للرووس أنادي: امروّتِـك يابو الفضل
———-
عقب غيبـة جيـنـه
نشتكي للأربعـين.. اشسوّه عاشور
ظمايـه ارتميـنـه
اقـبـور من فوق الهزل طاحت على اقبـور
أنا المن عفِتني / أحسّ حتى نفَس ريْتي انحبَس
أشمْ تربتك جيت / اليشمّ اترابك ايرد لهْ النفَس
يحسين العمر دونك ما يسوى
جيتك بأربعينك دمعة وشكوى
لو تدري الشمر بيّه وشسوّى
ظل سوطه على متني يتلوّى
سيد علوي الغريفي
""""""""""
جم سهم من حرمله
صوّب الزهره ابضلعها وزيّد اعليها البله
خبريني كربله
أي سـهم أكـثر مـصيبه.. خبريني كربله
لا تسايل / كل سهم من حرمله ابقلب الوديعه
لا تـسايل / لـمّه شال احسين بجفوفه رضيعه
لا تـسايل / مـا عـرفته.. حـالته كـلش فـجيعه
لا تسايل / مدري حَيْ عبدالله لو جثه صريعه
والله يصعب منظره
امن العطش رفرفت روحه وعينه راحت للوره
شاله والمدمع جرى
والـسهم مـن حـرمله صـاب الـطفل في منحره
*
تخيل في هالحال
اشلون أبواليمه إلى الخيمه يرجعه
وعبدالله مذبوح
والـسـهـم مــن رقـبـته لازم يـنـزعه
يخاف اعله أمه
تـعـاين عـالـنحر نـابت سـهم
نزع بيده سهمه
صبغ وجه السمه ساعتها دم
*
رد لـلخيمه شـايل بـيده روحـه
ساكت بس حِچت عنّه جروحه
آثــار الـدمـه فــي جـفه لاحـت
بـس صـبر أمه من وينه يلوحه
عــبـدالله يــورده ابـعـطري فـاحـت
عــبـدالله يـدمـعه ابـعـيني طـاحـت
جسمك نايمه اجروحه اعله حضني
وروحـــك تـشـتكي لـلـسمه راحــت
*^^^*
دمعتي متألمه
من ثلاثمية جرح من وينه حزنك أفهمه
أبدي من جرح الحجر
لو من السهم الثلاثي لو ضلوع امهشمه
واحـسيناه /حـيرتني..ابكل جـرح عـالم مـصيبه
واحـسيناه/كل جـرح يـفتح جـرح أعـظم لـهيبه
واحـسيناه/أحجي عـن خـدك عـلى حـر الـتربيه
واحسيناه/لو أبحّچي اعيوني بالشيبه الخضيبه
ما على جروحك صبر
قلبي يوقع مني بس توقع حبيبي امن المهر
من تمر كلمة (صدر)
تـنزل ادموعي وأحس بكل جهه جاي الشمر
*
تحيرني يحسين
وانته مغشي اعليك واتفكر في زينب
تحيرني يحسين
ظامي.. بس قبل المهر ما ردت تشرب
على الغبره مرمي
تـهـابك سـيـدي كــل الـعـدى
في هالصحره لكن
من آلامك يظل يجري النَدى
*
بـاقي هـالحزن حـتى النهايه
مـا مـرت عـلى جـرحك منايا
نـحرك مـنتصر والـدم بـريدك
وزعـت النصر في كل حكايه
طايح بس لجل دينك تشيله
خـدر ميظل ترى لولا العقيله
ألف وأربع مئة واسمك مناره
أبـد مـا مـر على العالم مثيله
*^^^*
حجة الله المعذره
أنته أعلم بالمصيبه وأدري حزنك ما برى
حجة الله المعذره
الشمر فوق الصدر جالس او ناوي ينحره
حـجة الله / مـعذره منك ومن أمك الزهره
حـجة الله/ مـعذره منك أظن زينب تِنِظره
حـجة الله / معذره منك ترى شيباته حمره
حجة الله / معذره منك صعد بنعاله صدره
ما أكمّل وشجرى
والله خايف يا بوصالح... هالجرح ما تقدره
لكن اسأل يا تَرى
شلي صار اعله العقيله وأبواليمه اعله الثرى
*
تعنت إلى احسين
لـكـن الـمـنظر أبــد مــا خـلّـه أنـفاس
جرت دمعة العين
شافته مرمي اعله صدره ما إله راس
وخــرت تـنادي / إلـيه اقـعد انـه زيـنب تـرى
في قلبي يخويه /اشيلك لا تظل فوق الثرى
*
مـا اقـدر اظـل عـندك بـعيده
خـذ روحـي إذا هـذا الـتريده
بـيـدي أرفـعـك لـلـه وأنــادي
اقـبـل ربــي قـربـان الـعقيده
كـل دمـه لـجل ديـنك تـجاره
وآنـه والـحرم صـرنه حـيارى
خذ كلشي يربي حتى ترضى
لـو نمشي بحبل بعده أسارى
رضا درويش
__________________
الموقع الرسمي
http://husseinalakraf.com/
__________________
تابعونا عبر وسائل التواصل:
الانستغرام: https://www.instagram.com/alakraf_ofc/
الفيس بوك: https://www.facebook.com/alakraf.ofc/
الساوند كلاود: https://soundcloud.com/alakraf_ofc
تويتر: https://twitter.com/alakraf_ofc
__________________
Time Codes
0:00 - المقدمة
01:04 - الفقرة الأولى
06:15 - الفقرة الثانية
12:28 - الفقرة الثالثة
19:34 - الفقرة الرابعة
#الشيخ_حسين_الأكرف
#صفر1445
#الأربعين
#القول_منا_قولك
#الشيخ_حسين_الأكرف
