شربت الماي بس ريحة عطش بالماي _ الشيخ باقر الدراجي

للشاعر كرار حسين الكربلائي

بصوت الشيخ باقر الدراجي

شربت الماي بس ريحة عطش بالماي
كلتلهم شكو كالو محرم جاي
التفت لكربله وصاح الدمع وياي
الخدمتك والبجي وفقني يا مولاي

أحس جية محرم جمرة تجويني
ودمعة اتجيبني ودمعة التوديني
أحاجي إهلاله وجروحه تبجيني
اشافت بيك زينب من عمت عيني

اشم ريحة محرم جايني بعطره
وقميص حسين راحت فاطمه تنشره
من ازور المذبح اسمع ونت الزهره
كل يوم اعله ابنها كاعده وتقره

محرم يا حلات الدنيا بوجوده
عشكت الحزن والدمعه على موده
اجاني وحضرت دشداشتي السوده
وامي اتكلي يمه ان شاء الله عوده

محرم صيحه بس العاشك يسمعه
بعد جم يوم تحله الونه والدمعه
حمزه بالكبر بالمأذنه ينعه
ينادي يا شهر عاشور وانسمعه

محرم ليش من نبجي تلوم الناس
وبيك احسين تهوى اعمامته من الراس
بعد ذبحه بعشر خياله صدره انداس
وزينب تنسبي واتحشم ابعباس