سواد الليل | الشيخ حسين الأكرف | ليلة 17 محرم 1445 هـ
[ سواد الليل ]
للإستماع على المنصات الصوتية على الرابط التالي
http://l.bayat.me/3NoAZxMz
الشيخ حسين الأكرف
كلمات: واثق العيساوي
ليلة 17 محرم 1445
حسينية داوود عاشور- البصرة
الهندسة الصوتية: حسن مرهون
توزيع المقدمة: استديو فدك
مونتاج: محمد الرضوي
__________________
انزل ياسواد الليل
النه اوجوه ماتنشاف
احنه احجاب وانت احجاب
خاف الله علينه انخاف
...................
ياليل الحزن ماتنحمل عين الشماته
منريد الضوه انريدك تجي تحجب صفاته
من كثر النظر صوب الضعن تعبن بناته
حيران الگلب طول الدرب صرت امنياته
ها يليلي طوِّل اويانه
وبظلامك احجب اعدانه
نشتكيلك واسمع ابچانه
لايطلع فجر كل يوم
وصيها الشمس وياك
خُزينا امن النظر ياليل
انشر عالسبايا اغطاك
..........................................
نمشي اعله الهزل ويه العدا وحشه الصحاري
يذبحني الرمح لو اصد اله وبگلبي ناري
لن راس الاخو ايصد عالضعن وبكلشي داري
كلما انضرب ينزف دمع وبعينه جاري
والمصيبة شما يأذوني
شفت عينه تبجي لمتوني
رمحه يهتز من يشتموني
چن النظره من احسين
غِيره اتحَشِّم امن الراس
وايصد اعله اخوه ويگول
زينب هاي يا عباس
..........................................
حيرة والحبل مثل الجمر يسعر ب إيديه
وإبلايه اخْوِتي فوگ الهزل امشي سبيه
تهضمني لمن يمي تجي وتبجي رقيه
تنشد عالابو طفلة إوتحن تكصد اليه
يارقية غدرته ناسه
يايتيمه خمدت انفاسه
يا حزينه عالرمح راسه
سالتني اعله اخوها وين
عبدالله بقلب حيران
اجاوبها واكلها اشلون
ذبحوه بالسهم عطشان
...................................
اندار الوكت حتى الصخر يبجي اعله حالي
ذباح اخْوِتي وسفه الشمر وي ضعني والي
وآنه بت علي المحد نظر مرّه الخيالي
مابين العده وبين الغرب مچتوفه تالي
وجهي اديره واحرگ بروحي
هي حيره وزادت اجروحي
امشي اسيره اوياي مذبوحي
مشينه بس حرم وايتام
ظل بس العليل اوياي
جابو ماي بس اشلون
اخلاف حسين اشريه الماي
.....................................
كلساعه طفل يوكع واظل اجمع يتامه
واليمشي ابدرب ويه الغرب يسمع ملامه
امن الكوفه لحد ماينتهي دربي بسلامه
للشام اتجه حادي الضعن اسمع كلامه
وسفه للشام من يودوني
اسمع الناس بس يشتموني
خارجيين وصفو اضعوني
من ادخل القصر ايزيد
واشوفاً فرح هالظلام
وبيده يطِگ راس احسين
واصيح الشام آه يالشام
__________________
الموقع الرسمي
http://husseinalakraf.com/
__________________
تابعونا عبر وسائل التواصل:
الانستغرام: https://www.instagram.com/alakraf_ofc/
الفيس بوك: https://www.facebook.com/alakraf.ofc/
الساوند كلاود: https://soundcloud.com/alakraf_ofc
تويتر: https://twitter.com/alakraf_ofc
__________________
#الشيخ_حسين_الأكرف
#محرم1445
#القول_منا_قولك
