سمعيني يم البنين | ملا عمار الكناني | هيئة عاشوراء
سمعيني يم البنين
ليالي شهادة الزهراء عليها السلام 1437
أداء: الرادود عمار الكناني
كلمات: الشاعر علي عباس الربيعاوي
مونتاج وتنفيذ: حارث العكيلي
موضوع القصيدة:
بعد استشهاد الزهراء ع بأيام تأتي الزهراء ع في عالم الطيف الى ام البنين ع ولم تتزوج ام البنين ع بالامام علي (ع ) بعد فتسلم عليها.
هيئة عاشوراء
العراق - بغداد
للتواصل مع الحسابات الرسمية لهيئة عاشوراء :
Facebook : https://www.facebook.com/هيئة-....عاشوراء-231478177032
Twitter : https://twitter.com/ashoura2012
Youtube : https://www.youtube.com/channe....l/UCcceLyrRzm5mVuwrz
Telegram : https://telegram.me/Ashura_establishment
Instagram : https://www.instagram.com/ashura_establishment
كلمات القصيدة :
سمعيني يم البنين ضميلي زينب بالعين
كلش عزيزه وفرحتي بيها
والداري باچر تمشين كون الها ام تصيرين
هيه حياتي ودمعتي ليها
:::::::::::::::::::::::::::::::::
فاطمه مرعوبه فزت تحچي لامها معلمه
تگلها يمه وحده اجتني هم اسمها فاطمه
يمه هيبتها عجيبه محجبه وچنها السمه
تحچي بس كظت ضلعها بالحلم ويصب دمه
يمه بوجها شگد نور لاچن ضلعها مكسور
ما كملت وياي الحچي طاحت
گلتلها مولاتي منين گالتلي انه ام حسين
خلتني اموت من البچي وراحت
فاطمه ادري ييمه اسمي كل هاي السنين
شو تناديني بأسامي مدري شنهي ومدري وين
مره أم زينب تگلي مره يا ام البنين
بس تأذيني ييمه من تگلي أم الحسين
گالتلي مره أم عباس وگفت أحس الانفاس
تراوالي چن چف وعلم طايح
تراوالي هودج بي نور وضلوعي صارله السور
والكافل اگبال الخيم رايح
ذيچه نظرتها الحزينه تشبه شگد النبي
تبچي ما تطلع مدامع توگع ايتام وعبي
انطتني بسمار وتگلي گومي عالباب اكتبي
كتبي زينب؟ هيه هايه!! الي باچر تنسبي
اكتب خيم وتشب نار يطلعلي طف وبسمار
يطلع رمح فوگا نحر شايل
ارجع ودور الخيام تركض عليه الايتام
وتگلي طايح عالنهر كافل
همست ابأذني قصيده كل تفاصيل البلاء
طفله تبچي بس تنادي كربلاء يا كربلاء
الجسد عالغبره مرمي سابح بفيض الدماء
السهم من ظهره طالع عينه تنظر عالسماء
بخيامه تلهب نيران ويعاينلها العطشان
وشگد حوافر سحگت اضلوعه
ما همه كل الالام بس الهظيمه الايتام
من عاينلها نزلت دموعه
كل مصايبنه ثگيله ينحني منها الظهر
لكن امصاب العقيله الظهر منه انكسر
تمشي وتعاين وراها مادرو شنهي الخبر
ثاري نصها الثاني تنظر طايح بسد النهر
تمشي وتصد طرف العين بلكت يفز اخو حسين
وتگله اعاين خويه بعيونك
يلي جبتني بحماك ما امشي خويه بلياك
مايعبر بريتي الهوه بدونك
هالحلم باچر حقيقه من تودعين الظعن
ذيچه ساعه منها تبدي المصايب والمحن
روحچ وياهم تسافر يبدي ينعاد الزمن
من تودعچ زينب اهنا تذكري ام الحسن
وحدچ ترى تظلين ليل ونهار تنوحين
ولدارچ يرد الظعن خالي
ساعتها بس تعرفين هذا الحلم اسمه حسين
زينب يعاندها الزمن تالي
راح اوصيچ بوصيه ومنها اشدن للسفر
يرزقچ الله وليِّد باچر وجه احلى من الگمر
فدوه باريهِ بمشيته كلش ازعل لو عثر
قبلي اچفوفه وعليهن رسمي بدموعچ نهر
هذا البطل يرفع راس حيدر يسمي عباس
وبرگبته يوفي العد باچر
اولاده تبقى بحماچ لاچن صدگ يوفي ارباچ
مايكسر الزينب ابد خاطر
منالسمه انفك باب اليه وهي من عنده اجت
براسي حبتني ييمه وعني بالطيب حچت
طاحت ادموعي بديها كظت ادموعي وبچت
گالت ادموعچ عزيزه خذت روحي وسافرت
بچفها طفل بس ماصار بچفوفه شايل بسمار
گلي بهمس هذا سبب موتي
المحسن اظن تسمي من صدره گالت شمي
بس ما سمع مدري شعجب صوتي
#هيئة _عاشوراء
#Ashura _ Establishment
