روحي مشتاقة | محمد زهير البلادي 1440 هـ
قصيدة #روحي_مشتاقه 1440 هـ
الرادود #محمد_زهير_البلادي
الشاعر #حسين_ملا_علي
الهندسة الصوتية: علي حسين البارباري
تصوير: علي الذهبه
الرعاية الإعلامية:
شبكة صوتيات ومرئيات الشيعة
كلمات القصيدة:
ما أدري آنا بالحلم لو بالصدق أوصل كربلا
واتعنى يم مرقد أبو سكنه وكفيل العايله
روحي مشتاقه .. يمتى نتلاقى
مروي عن خير البشر هذا الخبر نكتبه
من رآنا قد رأى، الشيطان ما تشبه
وآنا في يقظه وحلم أنظر ضريح وقبه
چني زاير كربلا وأسجد واحب التربه
قبرك يبن بنت النبي كل ساعه آنا اتخيله
وأذكر إذا أتذكره ابصدرك شمر حين اعتلى
روحي مشتاقه .. يمتى نتلاقى
أحضر الماتم إلك وأبچي على مصابك
ابنفسي خدمك سيدي وألطم ردت ثوابك
شلون إذا ليك اعتني زاير تحت قبابك
اشگد ثواب زيارتك لو قبلت أعتابك
أدخل إلى صحن السبط وآنا بدموع اتوسله
يوم الحشر إشفع إلي يحسين ابن سيد الملا
روحي مشتاقه .. يمتى نتلاقى
واللي بفراشه احتضر من يدنى للمنيه
تحضر أهله وتسمعه، اتنفذ إله الوصيه
وآنا ميت بالعشق أوصي نفذوا الوصيه ليّه
من قبل موتي ردت اتعنى الغاضريه
أتمنى أوصل مرقدك كل يوم وأتمنى اوصله
واسجد على أعتابك وأنا ابخدي المدامع سايله
روحي مشتاقه .. يمتى نتلاقى
عادة اللي ينعدِم ليه أمنيه أخيره
ابشوقي آنا مِنعدِم وعندي أمنيه صغيره
زياره وحده المرقدك واحيي إلك شعيره
ما يهم لو انفني يمك ويم بو الغيره
أقرا الزياره ابحضرتك واطلب من الله واسأله
يا ربي زاير كربلا يوم القيامه إشفع إله
روحي مشتاقه .. يمتى نتلاقى
تتسمى سامرا لئن قد سر من رآها
وحقها تفخر كربلا قد سر من أتاها
زاير الله بالعرش كل من وطأ ثراها
مستجابه دعوته اليدعي تحت سماها
فراقك يبو الأكبر ترى صعب القلب يتحمله
أتحسر وأبچي وأون كلما أشاهد قافله
روحي مشتاقه .. يمتى نتلاقى
چنه كعبه مرقدك عيني ترى تشوفه
إبلا جدال ولا رفث مُحرِم أجي واطوفه
ومن أزورك أتجه للي بلا چفوفه
أدري چفه منقطع بس ما يرد ضيوفه
يا وسفه جودك يا قمر هاشم من ادمومك مله
يا من قضى بالعلقمي وجوفه أبد ما بلله
روحي مشتاقه .. يمتى نتلاقى
