خويه عباس | الشيخ حسين الأكرف | يوم 16 صفر 1444 هـ

[ خويه عباس ]

الشيخ حسين الأكرف
كلمات: عبدالله القرمزي

يوم 16 صفر 1444 هـ
حسينية آل ماجد - كربلاء المقدسة
الهندسة الصوتية: استوديو الترابي
مخطوطة: حسين مقيم
__________________
خويه عباس اجيتك ينور اعيوني
للمدينه تردني يحادي اضعوني

+++

جيتك بعد هم اليسر يا بو الفضل إنهض إلي
جيت ورقيه ما إجت ماتت على راس الولي
شور اعلى زينب حايره في كربلا يا كافلي
لو سأل عن يتيمته واشلون أجاوب بو علي


عن رقيه اشبيديه إذا اتسألوني
ردها خويه إليه يحادي اضعوني

+++

جيتك على قلبي جبل من همي ما حد زحزحه
امسح يبو فاضل على قلبي يخويه واشرحه
حالي ابعصر عاشر وجع نايح يجاوب نايحه
چنك مثل لمح البصر ما چنت عندي البارحه


وانسبينا و اجينا وأنا شتموني
خارجيه سبيه يحادي اضعوني

+++


جيتك ظهر صبري انكسر اسمع يخويه شكوتي
شاللي بگى لي من طحت و انته عمود الخيمتي
لا خيمه عندي ولا أهل والشمر حادي ناقتي
وانسمع صوتي في السبا يا بو الفضل وآ حسرتي

وظلي اللي مينشاف ترى شافوني
شنهي أعظم فجيعه يحادي اضعوني

+++


جيتك مثل دمعة طفل عالخدي روحي امكسّره
أدخل دياوين العدي يابو الفضل وآني مره
جيتك ولا ظن انعرف بعد السبا متغيره
نحلانه من كثر الهضم وابهاليتامى امحيره

ما لي والي يغالي انا الهضموني
صرت وحدي في ضيعه يحادي اضعوني

+++


رغم العذاب اللي شفت أبقى العزيزة الغاليه
ما شافت ادموع العدى رغم المصيبه الداهيه
لكن إذا جن المسا و أسدل ظلام الداجيه
بيني اوبيني بوالفضل عيني بدمعها جارية

سامحوني اعذروني ولا تلوموني
لو تجارت دموعي يحادي اضعوني
__________________

الموقع الرسمي
http://husseinalakraf.com/

__________________

تابعونا عبر وسائل التواصل:
الانستغرام: https://www.instagram.com/alakraf_ofc/
الفيس بوك: https://www.facebook.com/alakraf.ofc/
الساوند كلاود: https://soundcloud.com/alakraf_ofc
تويتر: https://twitter.com/alakraf_ofc

__________________




#الشيخ_حسين_الأكرف