تلاقينا بوعدنا | حيدر الحلواجي 1445 هـ | هيئة القواسم
تلاقينا بوعدنا
اداء : حيدر الحلواجي
كلمات : حسين السلمان
ذكرة إستشهاد الإمام موسى الكاظم ع
هيئة القواسم \ مأتم بن أمان - المنامة 1445هـ
مخطوطة : علي البوري
مكساج : حسين محمد الحلواجي
مونتاج : عبدالله الحلواجي
نص القصيدة
تلاقينه ابوعدنه ويا حسافة
نشوف جنازته ابجسر الرصافة
من غابت أنواره هالشيعة محتارة بالكاظمية
يشيعة لو تشوفونه
نحيل وذابلة عيونه
سلاسل تنحت بجسمه
او وجهه ما تعرفونه
حليف السجدة لمكبل
مثل صبره ولا يحصل
ونص عمره في زنزانة
أسألك بالله تتحمل
يا موسى يمتى طلعتك
حنينه والله الرجعتك
مات الصبُر راح العُمر
سجنك ذبح كل المُهج
نطلب من الباري الفرج
بس ننتظر وانته تمر
عليك الدنيه صبت هالمآسي
صبر قلبك يهد حتى الرواسي
ما تسمع أخباره هالشيعة محتارة بالكاظمية
إعتقالاتك من الأوغاد
ينقلونك بلا ميعاد
يقيدونك وسط ظُلمة
من البصرة إلى بغداد
بسجن تمشي لسجن أرجاس
يغايب ما تشوفه الناس
يموسى شمسك اتوارت
في طامورت بني العباس
والتُهمة عزك الأولي
إنك من حسين وعلي
هذا السبب يا للعجب
تطلب من الزهرة المدد
باجر اذا حان الوعد
فوق الجسر تستقبلك
ابطوامير العده طول سجودك
وإطلب في الدُعا ربك يعودك
عن ليله ونهاره هالشيعة محتارة بالكاظمية
إلهي هالسجن أرحم
أناجي حلمك الأعظم
عليم انته وتشوف الحال
تجود اعليه يالأكرم
يقيوم السمه الحاكم
وسجاني شكثر واهم
نكر حقي وجهل قدري
من افعاله وأنا الكاظم
الله العلي نعم النصير
لو موسى كان المُستجير
وسط السجن صوتي حزن
وبحكمته مؤمن صبور
قلبي على امصابي جسور
لو أذكره قلبي يحن
أنا اللي يهزم اقيودي ثباتي
وتشهد يا خلُق دمعت صلاتي
بدموعه أسراره هالشيعة محتارة بالكاظمية
بسألك والقلُب مكسور
يموسى لو دخل عاشور
قدرت اتعلق الراية
وتخدم جدك المنحور
ابحديدة والقلُب لهفان
تخط إسمه على الجدران
حُسين وآه على امصابه
ذبيح ابكربله عطشان
وتواسي زينب عمتك
والزهرة تبچي ابحضرتك
مكسورة والقلبِ انفطر
من حادي للعاشر تِون
والمجلس يهز السجن
يوم الشُمُر حز النحر
تنوح اعل الضحايا الهاشمية
وعلى زينب اذا راحت سبية
بعاشور وأقماره هالشيعة محتارة بالكاظمية
اجمتعنه اعل الجسر بهموم
في يوم الموعد المحتوم
وقالوا هذا بن جعفر
إمام الرافضة مسموم
وحوله العسكر الغاشم
منعنا نشيعه الظالم
وموته يقول بلا اسباب
سلام الله على الكاظم
والشيعة تمشي ابكل ألم
ترفع ورى جنازة العلم
حل القضه وضاق الفضه
نار الحزن شبت لظة
نادوا اعل مولانه الرضا
خل يخضنه خل يدفنه
وشال الچف بن اسويد ابنحيبه
وهلت دمعته اقباله طبيبه
ما يرجع ادياره هالشيعة محتارك بالكاظمية
نسال الله القبول
#حيدر_الحلواجي
