بوصلة الحسين | يحيى عفارة

قصيدة [بوصلة الحسين]

أداء || يحيى عفارة
الشاعر || ميثاق الحمداني

التوزيع و الهندسة الصوتية || محمد عليق
مخطوطة || غادة شومر
تنفيذ || ابراهيم حريري

محرم ١٤٤٥هـ



الحسابات الرسمية للرادود يحيى عفارة

‏Facebook:
‏https://www.facebook.com/profile.php?id=100094293742464&mibextid=LQQJ4d

‏Instagram:
‏https://instagram.com/yehia.afara

‏Telegram:
‏https://t.me/yehiaafara


————————————

بصحره وبلا معين
مضيع طريقي وين
ومن اللطف لگيت
بوصلة الحسين
مولاي يا حسين
…….
يحسين يالتحضني من بعيد . وتدنيني من قربك
مولاي ماريد انحرم من هاي . الحنيه البگلبك

دخيلك لم شتاتي بنظرة عيونك
اضيع بدنيتي لو ابقى من دونك
بديك الكلها حب الزمني ممنونك
حسين مولاه
الزمن ما بيه امان وملجأي الگيتك
أتأذنلي حبيبي ادخل لبيتك
اجيتك بانكسار اسگيني حنيتك
حسين مولاه

بجروحي احچي ليك
حسين وبقت عليك
يا من الي هديت
بوصلة الحسين
…….
مولاي خليني بدمعتي اعليك . والحسره والونّه
وعطر الحرم هذا اليرد الروح . ما انحرم منه

احب صحنك واحس بيه راحة انفاسي
على الشباك اخلي ايديه بحساسي
واگلك فدوه خلي ايدك على راسي
يبو الاحساس
احب لبس السواد وشيلة الرايه
واريد اگضي حياتي بدمعه وقرايه
حُسين اقسملي اجي بكل عام مشايه
يبو الاحساس

يالعيشتي بهواك
طير واحب سماك
بأفق السما قريت
بوصلة الحسين
……
يحسين ارسمك وابدي من لعيون . وبيدي القلم يختل
والله جرم هاي العيون شلون . من العطش تذبل

يبو الوجه السمح وتغير امن الحر
يبو المشيه الجميله شلون تتعثر
سلامة گلبك وروحك يبو الاكبر
اويلي اعليك
يبو الطول الجميل وينحني ظهرك
لرقيه المفترض مو للسحگ صدرك
لخد عبد الله لا مو للعطش ثغرك
اويلي اعليك

ايامي الك بكاء
وخارطتي كربلاء
وبيها عدل مشيت
بوصلة الحسين