بس يا زمن | الملا عيسى العيسى | إستشهاد السيدة زينب ع | جديد شهر رجب 1446 هـ - 2025 م

⁣:: بس يا زمن ::
شهر رجب 1446 هـ - 2025 م

🎙الملا | عيسى العيسى
🖋 الشاعر | أبو كمال الأحسائي
🖋 مخطوطات | عبدالله العلي
🎛 الهندسة الصوتية والتوزيع | جهاد الحداد
🎥 تصوير | سيد مهدي البراهيم و طه بن سلمان
🎬 مونتاج وتنفيذ | سيد محمد البراهيم

أعظم الله لك الأجر مولاي يا صاحب العصر

الحسابات الرسمية للرادود الحسيني عيسى العيسى
اليوتيوب : https://www.youtube.com/@ESSA_MEDIA
الانستقرام: https://www.instagram.com/essa_media
التيك توك: https://www.tiktok.com/@UCp9R8n6hCLyAXFlSTDyzZXA
تويتر : https://twitter.com/ESSA_MEDIA
ساوند كلاود: https://soundcloud.com/essa_media

القصيدة كاملة:
بس يا زمن زينب هاي
يكفي الهضم والحسره

ما ضل صبر ما ضل راي
بحشاها ضلت جمره
بس يا زمن

* * * * *

بس يا زمن زينب هاي
بنت الوحي والآيات
بنت الفخر والأمجاد
أرقى مثل أشرف ذات
اشلون العقيله الحوراء
تجزيها حسره وآهات

ضلل گلبها ياغيم
حر الهضم حر الضيم

هذى بقايا العترة
بحشاها ضلت جمره
بس يا زمن

* * * * *

شذكر شعدد من محن
لو بالصخر والله ذاب
گلب العقيله امن الزغر
ابشتى المصايب منصاب
جدها الرسول وفگدته
وللضيم چان أول باب

بعد الرسول وفگده
بانت علايم شده

بالجفن أول عبره
بحشاها ضلت جمره
بس يا زمن

* * * * *

وضلع الزچيه الطاهره
والباب ويلى وناره
بصدر العقيله يا زمن
كل ما جرى واسراره
وطبرة علي خير الورى
واتحملت اثاره

ضلت تنادى حيدر
فگدك بروحي أثر

ليت بجبينى الطبره
بحشاها ضلت جمره
بس يا زمن

* * * * *

وسم الحسن چف الحقد
سم العقيله وهدها
واسهام نعشه يا زمن
آذتها وبيح سدها
أيام تمشى والأسى
ايزيد يگرب منها

الكون أظلم نوره
بعيون ذيچ الحوره

ضلت تعيد الحسره
بحشاها ضلت جمره
بس يا زمن

* * * * *

واكتملت اركان الحزن
وكل المآسي اجتمعت
من جات زينب كربلا
بحسين اخوها انفجعت
من وين جابت هالصبر
لو بالجبال انصدعت

شلون تنظر وتشوف
راس انگطع ويه اچفوف

والسبي افضع امره
بحشاها ضلت جمره
بس يا زمن

* * * * *

الله يا أم الخدر
في كربلا خدرچ ضاع
ياحره سبيچ والحبل
أوجاع تتبع أوجاع
والشام وديوان البغي
وقلبچ يزينب ملتاع

ياجمره ابد ما تنداس
يا عالمه وما تنقاس

تبقين عِبره وعَبره
بحشاچ ضلت جمره
بس يا زمن

* * * * *