أنا العباس | يحيى عفارة 1444 هـ

انا العبّاسْ
الرادود يحيى عفارة
الشاعر الشيخ #وسام_الشويلي

تصوير و اضاءة حسين صفا

مخطوطات و غرافيكس غادة شومر

التوزيع و الهندسة الصوتية محمد عليق

اخراج حسين صفا

انتاج H Safa Media


كلمات القصيدة
إلى كل الكتايب انتباه الحاله خطره
نزل ليث الغوالب للحرب وعيونه حمره
غضب رفرف لوائه يهز الطف ندائه
أنا العبّاس
* * *
مشاهد للمراجل كربله مسرحها صاير
ابو فاضل بطلها وگابل بوحده العساكر
نزل بالغاضريه ايعظّم بسيفه الشعائر
والرايه رفعها
يريد بهالبطوله ايهدّم صروح السقيفه
ينادي لا فتى إلّا علي وسيف الله سيفه
المنايا بأمره تمشي وظل يوجّها اعله كيفه
طشّرها وجمعها

علي ظهر المراجل صاعد ومنهو اليلوحه
اليصل يمّه يحاول يخزره ويقبضله روحه
كتايب يمّه تسجد وأهو بصوته يردد
أنا العباس
* * *
ركب ظهر المطهم مسرع وبمتونه جوده
نهار الدنيا لكن من غِضب سوّاها سوده
جمد من المهابه العسكر وظل بجموده
خايف لا يلوحه
خطف من يم جمعهم خطفت الموت بفراسه
وشمرهم ظل ينادي بينه صارت انتكاسه
العدل ظل ما يصدگ يلزم بچفّينه راسه
ويعاين الروحه

حچه جندي وي جندي أحنه بالدنيا بعدنه ؟
يجاوب راسي عندي لكن تناقص عددنه
وأبو فاضل سمعهم ورفع صوته بجمعهم
أنا العبّاس
* * *
دخيلك يابو فاضل كافي وجهك لا يغيّم
شكثر تمطر منايه تبني بالجيش وتهدّم
اذا حتى سهمهم من يجي خايف يسلّم
وايگلّك دخيلك
النهر لمّن نظرلك صارت بأمواجه خوفه
وشرد مثل العساكر لكن تلزمه جروفه
يگلّك آنه عبدك وينه جودك خلّي اطوفه
اوگف راح اجيلك

لمن جودك ترسته والعطش جمره بدليلك
العذب بيدك رفعته واذكرت حالة خليلك
صحت لا حاشه اشرب واعوفن اختي زينب
أنا العبّاس
* * *
وفي وذيچ المراجل رفرفت كلها بلوائك
خجل ماي الشريعه من نظر موقف عطائك
دمعتك بيها كاتب عالنهر آية وفائك
وايثارك تكتبه
توكّل يابو فاضل فاطمه الزهره تشوفك
تنادي عفيه يبني يالوفي وتقره بحروفك
اذا گطعوا چفوفك بالحشر ارفع چفوفك
حگك آنه اطلبه

هنيئاً يابو فاضل باچر بيوم القيامه
إلك اعلى المنازل من يرفعون الظُلامه
تجي والرايه بيدك وعلى المحشر نشيدك
أنا العبّاس
* * *
نسألكم الدعاء
وسام الشويلي


الحسابات الرسمية
*instagram*
https://instagram.com/yehia.af....ara?utm_medium=copy_
*Facebook*
https://www.facebook.com/al.radood.yehia.afara/
*telegram*
https://t.me/yehiaafara

-مجموعة واتساب (١)
https://chat.whatsapp.com/EMxRJH8v6XI9ikAfgqjakw
- مجموعة واتساب (٢)
https://chat.whatsapp.com/INJ1A0kTX4SFPXxFIJFnBe