آخر حلم | علي الوائلي الكربلائي | جديد 2022
اخر حلم
اداء : علي الوائلي الكربلائي
كلمات : كرار حسين الكربلائي
الهندسه الصوتيه والتوزيع : محمد الكاظمي
التسجيل : علي ميرزا
التصوير : بلاك اند وايت
مدير التصوير : مصطفى البلوشي
المونتاج : علي الموالي
مخطوطه : حسين مقيم
الاخراج : جراح الحسيني
يا اخر حلم بيه
وتارس روحي حنيه
اشوكت تقبل
الك ارحل
شيب كلبي فرگاك
وين ويمته الگاك
وين ويمته الگاك
يا آخر حلم
..
اشتاگيتلك يالمبتعد يمته ترد مو ما كافي الفراگ
اشتاگيتلك دمعه وجرح وانه انذبح من كثر الاشواگ
اشتاگيتلك تدري شكثر كل العمر گضيته مشتاگ
اشتاگيتلك ترضه اون بچف الحزن افراحي تنباگ
صحت وصوتي ظل مبحوح
عايش دنيه كلها جروح
الحگلي يثار الله
ضامي وچفك الساقي
بس احسب جمع باقي
نبع صافي .. وجرح غافي
جروحي تسولف وياك
وين ويمته الگاك
وين ويمته الگاك .. يا آخر حلم
..
حنيتلك من المهد اول وعد وياك معقود
حنيتلك طلعة شمس كل لحظه احس ويايه موجود
حنيتلك حنة طفل لم الشمل يا بويه مريود
حنيتلك انظر الك واتوسلك يا اغله موعود
صارت امنية عبدك
يشوف الشامه البخدك
بُعدك مصحف واقراه
اسنين مفارگ ديارك
ولا ادري شنو اخبارك
منو ايعينك .. عله اونينك
ارد ابچي اعله مبچاك
وين ويمته الگاك
وين ويمته الگاك .. يا آخر حلم
..
ولخاطرك دمعي فرض حته النبض ظل يقره ياسين
ولخاطرك اقره الضُحه وچم فاتحه لروح ام البنين
ولخاطرك من انحني دوم اعتني يم جدك حسين
ولخاطرك يم الگمر يم النحر اهدي ركعتين
وداعة امك الزهراء
لحفظك اقره عاشوراء
لطفك لحظه ما أنساه
يمبچيني بغيابك
فدوه روحي لترابك
تباريني .. وتراعيني
ظلمه ورايد اضواك
وين ويمته الگاك
وين ويمته الگاك .. يا آخر حلم
..
يا يوم بي نگعد سوه واشتم هوه الطلعه البهيه
يا يوم بي انسه الحچي واشبع بچي بالفاطميه
يا يوم بي تسولف الي حالة علي بعد الزچيه
يا يوم بي اشتم عطر ذاك الگبر انزوره سويه
رايه وگبه الها انشوف
وبگبر الزچيه انطوف
وعالمنبر تأّشر لي
اوياك المرقد اندله
إتگلي اِنعه يا مله
واجي واقره .. عله الزهره
سكته ودمعي حاچاك
وين ويمته الگاك
وين ويمته الگاك .. يا آخر حلم
..
مذبوحلك چم ازلمه وثار الدمه يريدك يوفاي
مذبوحلك عم عالنهر اسمه الگمر ينتظرك هواي
مذبوحلك جد عالثره انحز منحره وما شارب الماي
مذبوحلك عاري الجسد چبده انمرد بالسهم مولاي
وعندك عمه محنيه
زينب تمشي مسبيه
عمتك واگفه بديوان
هنده محجبه وزينب
يبن الزهره تتسلب
يشتموها .. ويضربوها
كاسر ظهري بلواك
وين ويمته الگاك
وين ويمته الگاك .. يا آخر حلم
..
خادم الحسين ( عليه السلام)
كرار حسين الكربلائي
( ابو كميل)
يرجى الاشتراك بقناة الاسراء ميديا ليكي يصلك كل ماهو جديد
https://bit.ly/2YnOOSS
إنتاج :
الإسراء ميديا
الكويت 1443/2022
للإشتراك بالحسابات الرسميه
للإسراء ميديا للإنتاج الحسيني
الإنستگرام :
https://instagram.com/alesraa_media?i...
اليوتيوب :
https://www.youtube.com/channel/UCMxg...
