يا بو فاضل شوف لوني .. بالحجارة استقبلوني
يا بو فاضل شوف لوني بالحجارة استقبلوني نار گلبي .. شنهو ذنبي بالحجارة استقبلوني *** انخطف يا عباس لوني .. وشيّبت من المواقف قبل ما نوصل الشام .. استقبلونه اعله المشارف يا كفيلي الشام كلها .. جابت حجار وتگاطف نص الحجارة بجبهتي .. ونص يشمرونه بعيلتي عباس هذي حالتي .. مچتفه وشلون اشاگف ينزف الدم من جبهتي هذا حالي وهذي قصتي ادعيت ربي .. شنهو ذنبي بالحجارة استقبلوني *** انه لمحّد لمح ظلّي .. وانت يا عباس تدري اسمي ما واحد يلفظه ..وخدري ما ينوصف خدري أبد ما مر اعله بالي .. بسوگ اطبّن تالي عمري تالي العمر يا بالفضل .. زينب يصعدوها الهزل زينب يچتفوها بحبل .. أنسبي ودموعي تجري مو ابالي بسوگ اطبّن والنسه اعليّه يأشرن ضاع دربي .. شنهو ذنبي بالحجارة استقبلوني *** آه وبمجلس يزيد .. اتمنّتك طفلة تجيها فاطمة بنت الحسين .. الشامي من أشّر عليها يريدها خادمة ابّيته .. وآنه روحي شصار بيها الطفلة بثيابي الزمت .. خافت ودمعتها جرت أطفال ونساء تروّعت .. خلافكم آني احاميها آه منك يا زماني .. يزيد وسفه يسبني آني اعتمد سبّي .. شنهو ذنبي بالحجارة استقبلوني *** يا بو فاضل شسولفلك .. عن عزيزتكم رقية طشت وسياط وتراچي .. چانن اسباب المنية من كثر هاي المصايب .. والله ما ظل حيل بيّه شيّبت من كثر الهضم .. والضيم واصل للعظم ممنوعة حتى من اللطم خاف ألطم يم يزيد .. وبيّه يتشمّت ويفرح
