نتبادل وداع | الشيخ حسين الأكرف
| نتبادل وداع | الرادود: #الشيخ_حسين_الأكرف كلمات: #السيد_علوي_الغريفي الليلة العاشرة من شهر محرّم ١٤٤٧هـ كلمات القصيدة: [نتبادل وداع] *بس ليلـة يـمّي / نتبادل اوداع* *يا ريحـة أمـي / ويا كسرة أضلاع* *آه آه بس باقي هالليل* *آه آه من تهجم الخيل* *يا كسرة أضلاع* —————— يا شـمس غضّي البصَر بـاجر لا تـحـلّ صبحيّـة العـاشر لا تـجين اويَ الصـبح خوفـي ايشوفج حسين بشكل حافـر نـرتوي خلينه بإحساسـه لنّه بعـده اعلى الجسد راسـه ما بـقت عنده إلا هالليلـة والـظهر تتباطـأ أنفاسـه يا شمس هالـمره بس / غيبي لا تجـينه طلـعتج يعني الحجر / يُوگـع بجبينه خـافي الله بهالطفل ماكو ماي.. وماكو ظِلّ ما تِـبلّه / إلا نبلـة / ومنحره ما يحتمِل يا شمِس خوفي بألم يترك احسـين الخيم كلشي يذبل / كلشي يرحل / من يجي بقلبه السهم ————— عليج الله يشمْـس اتغـيبي لـو هيْ مـرّة أخاف اعلى الترب يوصل شمُـر لـصدره لا يِـقلبـه بيده / لا يحـز وريـده وَ لا ايجُـر سيفـه يـمّ احسين ويفري نحـره وشنهو بعد الـراس ايظل تالي من يشيلونه ابـرمح عـالي خوفي باجر زينب اتشوفه عالرمح بدمومه ايلالـي بالرمـح راسه / إذا ينزف دمـه يرتفع رايـة / ترف بيد السمـه كتـاب اعلى الرمح صار يرتّـل عزّة وإصرار وباجـر صاحب الثار يطالب بالدمـه إباء .. وعزّة وإيمـان حُسين وراسه قـرآن على سن الرمـح بان وطاف اعلى السمه ————————- طايـح وعينك على اخيامك ما تـحس هاللحظة بآلامك من كثـر خوفك على زينب ما شعرت بحرقة سهامك ماكو بيدك سيدي حيلة علـ بناتك دمعك اتسيله السهم خايف يشوفونـه الهالسبب من ظهرك اتشيله حتى من جاك الشمر / جـالس اعلى صدرك مَـيَّـل الـ صوب الخيـم / راسـك وتِـحرّك هوّه جاثي اعلى الصدُر وانتـه عـينك عالـخـدُر تدعي يارب / إلا زينب ما على زينب صبُر دمعك الـ زينب يُصب اعليها خايف تنضرُب وخوفك أكثر / لمّه تعثر عالوجه فوق التـرُب ——————- تصيح "إنْ كـنتَ حيّـاً".. حيرة ياهي حيرة حـوافر داستك بأنفاسك الأخـيرة ما هيْ بس فقط خيل / عشرة ويلي يا ويل يجيها الخيمـة صوت اضلوعك الكسيرة لو طحـت زينب يسلبوها لو رحـت زينب يضربوهـا هالخـيم بعدك يحرقـوها وبالحـبال اختك يچتفوها من بعد عينك / تروح اميسّرة بس على همها / شكورة وصابرة رغم درب السبايه تظـل للعفّـة رايـة صبرها اعلى الرزايه يحيّر كل صبر تظل زينب قيادة تظل زينب إرادة تمدّ للدنيا قادة السيد علوي الغريفي #موكب_السيدة_زينب #محرم #عاشوراء #لبنان
