مسلم الوائلي | سر الهوى | مضيف السلطان بني هاشم | كلمات حسن الترابي

مكساج :كرار الموالي
كلمات:حسن الترابي
مضيف سلطان بني هاشم
العراق-ذي قار -سوق الشيوخ
تنفيذ |الضامن

ياعشك الازل بسم الرب نزل. وبكلبي رسه
ياسر الهوة يموضي الضوة. وقران المسه
علي دخيلك. علي دخيلك
_________________________________
يانبي الفقرة يالتبرة. للضايع گمر
ياوفة اعيونك. واضنونك. للهايم سفر
ياعشك سامي للضامي بجفوفك نهر
تركض اسم الله. للغفلة بدروبك عثر
ياحلاتك شدة فوك اسم الله طولك ياهو ه
ضامي لون الكمرة جان ومن بخت شيبك روة
نجمة نجمه اطش ضواك لكل درب مابيه ضوة
يالسمة اجفوفك يتامة لكل جرح جفك دوة
_________________________________
مساهر ايامك. ليتامك جفنك ما طبگ
ياعظم شانك. سبحانك. كلبك مازهگ
ياضمة احبابك بعتابك. شدو جم علگ
مايك الدهلة هواي احلا من ماي الخلگ
تفيض نهرانك علينة ونروة من فيض العشك
كلهه ياحيدر سراب وبس نهر حبك صدك
احركنة راضين بمحبتك نحلة كل ما نحترك
تگصي ويانة اليالي وغير بابك ما ندك
_________________________________
ياعلي اطيوفك. وحروفك. للخايف ونس
يادفو مكاسر. بمسامر عشاك وهمس
نغيم ونحزن. وانأ من. بضنونك عرس
نبتسم عندك. يالخدك. تفز منه الشمس
ياسمار الله اعلة گاعة البين بخد الخبز
شفنة كل الناس ظلمة وكلبك الابيض حرز
تمطر اعيونك امان شما بشباجك نهز
يافرحنة الباليالي المن حزن كلبك يفز
_________________________________
يادوة وهاجس ياواهس. للكلبة انكسر
يامطر غبشة. للرمشة. راج من السهر
نغفة بفيايك. يالمايك مرحة كل كمر
تلمنة. حنيتك. بخاجيتك. كل عيب انستر
شكد حنين وبالحرايب ياعلي ماتنوصف
اكبال وجهك من تصوّل جان ابد ما ينوگف
تجدح اعيونك شرار ونار يالماتنعرف.
بصلبك العباس جان وشاربة من تهد يرف


رابط تلكرام
https://t.me/muslimalwaeli
الصفحة الرسمية لفيسبوك
https://www.facebook.com/muslimalwaeli313/
الحساب الرسمي في الانستكرام
https://www.instagram.com/msulim_alwaeli/
جميع الحقوق محفوظة . لا يحق لي أي أحد رفع المقطع .
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ