محتار الفكر | الرادود محمد الحجيرات

محتار الفكر | محمد الحجيرات
ليلة 8 محرم 1439هــ
أداء : الحاج محمد الحجيرات
كلمات الشاعر : مهدي بارون
في حسينية الرسول الأعظم -الكربلائية-
بدولة الكويت

محتار الفكر بيك .. ابچي لو اهنّيك
عرسك هذا لو موت .. شنهو اللايگ اعليك
****

حبيبي .. بطريقك .. ترى بكيفه الورد يا يُمه يفرش
حبيبي .. جمالك .. ولعيون التشوفه صعبه ترمش
حبيبي .. كلامك .. لَهَسّه بإذني منّ ايمرني يدهش
حبيبي .. وداعك .. يظلّ ابذكرياتك گوّه ينبش

جاسم تذكر اشلون .. نتگابل بلعيون
انسى بكترك الكون .. عافيتي امن ألاگيك
****




نصيبي .. زفافك .. شكثر منتظرته والباري شاهد
نصيبي .. ييمه .. بسبب فگدك عشِت حال الفواجد
نصيبي .. اشوفك .. يلي بثوب العرس للموت رايد
نصيبي .. يجاسم .. زفافك ويّه موتك يوم واحد

يبني وتبقى ذكراك .. تدري اشكبره فرگاك
لو بيدي العمُر هاك .. وكُون الله يخليك
****




يغالي .. وجودك .. خلِگ سوّالي حتى الدنيا تكمَل
يغالي .. اعله طولك .. اگول اسم الله حد ما كلشي يخجل
يغالي .. عيونك .. ترى بنظراتها امخلْيَـتْني اندل
يغالي .. بغيابك .. عگب هذا اشتظنها الروح تقبل

شِتْظن يُمه مسموح .. تبعِد عني وتروح
الا بطلعة الروح .. يبني وروحي تفديك
****





ييمه .. الليالي .. خِلَص من عمري ثلثينه بسهرها
ييمه .. الخواطر .. ولا كل الصبر يجبر كسرها
ييمه .. المصايب .. يواحد لاچن اعليه اشكثرها
ييمه .. دمِعْتي .. دعيت الخالق ايطوّل عمرها

خاطر تقنع العين .. لازم ابچي عمرين
دليني الصبر وين .. والدم حِنّة ايديك
****





يجاسم .. إلهي .. دعيته اعيوني تعمى اخلاف عينك
يجاسم .. گلتله .. اخذ سمعي ولا اسمع ونينك
يجاسم .. شجاوب .. انخرس صوتي شفتهم شايلينك
يجاسم .. اعاتب .. على اعتاب الگلب الله يعينك

لو من كلمة اعتاب .. ترجع من إلغياب
چا شفتك على الباب .. من گد ما أناديك
****

مهدي بارون



الحسابات الرسمية للحاج محمد الحجيرات

Facebook :
https://www.facebook.com/alhojairat

Twitter :
https://twitter.com/alhujairat

Youtube :
https://www.youtube.com/user/alhojairatclips

SoundCloud :
https://soundcloud.com/alhojairat

instagram :
https://www.instagram.com/alhojairat